my5

Ўзбекистонда қурилажак АЭС мутахассислари Ростов вилоятида таҳсил олади

СИЁСАТ 04.12.2019, 13:20
Теглар: Ўзбекистон, Ростов
1138
Ўзбекистонда қурилажак АЭС  мутахассислари Ростов вилоятида таҳсил олади

Ростов-на-Дону шаҳрида Ўзбекистоннинг Бош консуллиги томонидан “Ўзбекистон-Россия: икки давлатнинг ижтимоий-сиёсий аспектлари” мавзусидаги муҳокамалар доираси ташкил этилди. Тадбир РФ жанубидаги энг қадимий ва нуфузли олий таълим муассасаси – Ростов Давлат иқтисодиёт университети ("РИНХ") майдонида ОТМ президенти А.У.Альбеков ҳамда ректори Е.Н.Макаренко иштирокида бўлиб ўтди. 

Россия томондан расмийлар, дипломатик корпус, бизнес доиралар, академик ва илмий доиралар вакиллари, жамоат арбоблари, "РИНХ" талаба ва аспирантлари иштирок этишди. 

Тадбир доирасида иштирокчиларга сўнгги йилларда Ўзбекистонда ижтимоий-сиёсий, иқтисодий ва гуманитар соҳаларида амалга оширилаётган ислоҳотлар ҳақида батафсил маълумот берилди. 

Шу билан бирга, Ўзбекистонда ўтказилиши кутилаётган парламент сайловлари, таълим, туризм ҳамда соғлиқни сақлаш соҳаларидаги ислоҳотларга катта эътибор қаратилди.

Шундан сўнг томонлар Ўзбекистон-Россия муносабатларининг бугунги ҳолати ва истиқболлари, хусусан таълим тизими ва Ўзбекистонда қурилажак АЭС учун мутахассисларнинг Ростов вилоятида таҳсил олиши масалаларини муҳокама қилишди. 

Таъкидлаш жоизки, муҳокамалар доирасида Ростов вилоятига ташриф буюрган Ўзбекистон ОТМлари делегацияси ҳам фаол қатнашди. Тошкент Давлат техника университети, Турин политехника университетининг Тошкент филиали ҳамда Андижон машинасозлик институти ректорлари расмий чиқишлардан кейинги фикрлар алмашинувида фаол иштирок этиб, форум иштирокчиларининг кўп сонли саволларига жавоб беришди. 

Бундан ташқари, Ўзбекистон ОТМлари делегациясининг “РИНХ” Ростов давлат иқтисодиёт университети раҳбарияти билан учрашуви ўтказилиб, унда томонлар олий таълим муассасалари ўртасидаги ҳамкорлик истиқболларини муҳокама қилишди.

Тадбир якунига кўра, Андижон машинасозлик институти ҳамда “РИНХ” ўртасида ҳамкорлик меморандуми имзоланди. Ҳужжат шунингдек Андижон ОТМсида янги бухгалтерлик ҳисоби ва аудит, логистика ва ахборот хавфсизлиги кафедралари очилиши масаласини ишлаб чиқишни кўзда тутади. 

Муҳокамалар доираси РФ Қонунчилик кенгаши, Иқтисодий ривожланиш вазирлиги, Ростов вилояти жамоатчилик палатаси, Бутунроссия халқ фронти ҳудудий бўлими ҳамда Ростов-на-Дону шаҳри жамоатчилик палатаси ҳамкорлигида ташкил этилган.

Шарҳлар

Россиядан Ўзбекистон фуқароларини қайтариш учун навбатдаги автобуслар йўлга чиқди

26.09.2020, 19:41

Ўзбекистонга қайтиш истагида бўлган Россия Федерациясининг Қозоғистон билан чегара олди ҳудуди Самара вилоятида тўпланиб қолган фуқароларни Ватанга олиб келиш мақсадида жорий йилнинг 23 сентябрь куни...
16 сентябрь. Бугун 597 кишида касаллик аниқланди, 6 киши вафот этди

16.09.2020, 23:50

Шу йилнинг 16 сентябрь куни Ўзбекистонда 597 ҳолатда касаллик қайд этилди. Бу ҳақда ССВ матбуот хизмати хабар бермоқда.Шу билан бирга, Тошкент шаҳрида 4 нафар, Тошкент...
Ўзбекистонда коронавирусга чалинганлар 49 мингдан ошди

16.09.2020, 23:40

2020 йил 16 сентябрь соат 23:30 ҳолатига кўра, Ўзбекистонда коронавирус инфекцияси қайд этилганлар сони 49 162 (+147) нафарни ташкил этмоқда. Бу ҳақда ССВ матбуот хизмати...
15 сентябрь. Ўзбекистонда 570 киши коронавирусга чалинди

15.09.2020, 23:55

Шу йилнинг 15 сентябрь куни Ўзбекистонда 570 ҳолатда касаллик қайд этилди. Бу ҳақда ССВ матбуот хизмати хабар бермоқда. Шу билан бирга, Тошкент шаҳрида 5 нафар коронавирусга...
Кун мавзуси: коронавирус
Об-ҳаво: Ташкент
+13° переменная облачность
Валюта курси
10321.21
USD 5.59
12003.57
EUR -207.03
132.07
RUB -4.21