my5

Qirolicha Elizaveta II shahzoda Harri va uning rafiqasiga erkin yashashga izn berdi

Dunyo 14.01.2020, 19:14
Теглар: Buyuk Britaniya, shahzoda
1022
Qirolicha Elizaveta II shahzoda Harri va uning rafiqasiga erkin yashashga izn berdi

Buyuk Britaniya shahzodasi Harri va uning rafiqasi Megan ularga berilgan imtiyozlardan voz kechib erkin yashamoqchi bo`layotgani haqida avval xabar bergandik. Ayni buyuk Britaniya qirolichasi o`z nabirasining istagini inobatga olgani ma`lum bo`ldi.

Ya`ni qirolicha Elizaveta II shahzoda Garri va uning turmush o`rtog`i Megan Marklning biroz muddat Kanadada yashash to`g`risidagi qarorini qo`llab-quvvatladi. Bu haqda Mail.ru xabar berdi.

Yosh juftlik doimiy nazoratda bo`lish joniga tekkanini, shuning uchun meros va boshqa moliyaviy imtiyozlardan ham voz kechib, o`zlari mustaqil yashash va ishlash niyatida ekanliklarini ma`lum qilishgandi. Ular kelgusida ma`lum muddat Shimoliy Amerikada yashashni ko`zda tutishyapti.

Dastlab qirollik oilasining a`zolari bunga qarshi bo`ldi.

Biroq qirolicha Elizavetaning so`zlariga ko`ra, oila Garri va Meganning yangi hayot boshlash qarorini ma`qullagan. U bunday qarorga hurmat bilan qarashini ta`kidlagan.

Elizaveta II nafaqat shahzoda Garrini, balki uning akasi Uilyam va otasi Charlzni ham Saroyga chaqirgan, shuningdek, qirollik oilasining boshqa a`zolari ham to`plangan. Ular o`zaro muloqot chog`ida shahzoda va uning rafiqasiga erkinlik berish haqida bir to`xtamga kelishgan.

Шарҳлар