my5

Sobiq bosh vazir koronavirusdan vafot etdi

Dunyo 06.04.2020, 07:00
2281
Sobiq bosh vazir koronavirusdan vafot etdi

Liviya sobiq bosh vaziri Mahmud Jabroil Misrdagi kasalxonalardan birida koronavirusdan vafot etdi. Siyosatchi 68 yoshda edi. Bu haqda Al Youm As Sabi hamda Al Arabiya xabar tarqatgan.

Oxirgi yillarda Liviya milliy kuchlari koalisiyasini boshqargan siyosatchi 27 mart kuni kasalxonaga yotqizilgandi. Liviya sobiq bosh vazirida koronavirus infeksiyasidan tashqari yuragida ham muammolar bo`lgani aytilmoqda.

Mahmud Jabroil 2011 yilda Muammar Kaddafi hokimiyati ag`darilganidan keyin boshqaruv o`tish davri milliy kengashiga berilgan vaqtda mamlakatda bosh vazir bo`lgan. O`sha yilning oktyabr oyida Jabroil egallab turgan lavozimidan iste`fo bergandi.

2012 yil iyulda Mahmud Jarboilning «Milliy kuchlar ittifoqi» partiyasi saylovlarda eng ko`p ovoz to`plagan. Shuningdek, Jabroilning o`zi ham saylovlarda prezidentlikka nomzodini qo`ygandi, 2019 yil bahorida o`tishi kerak bo`lgan saylovlar Xalifa Xaftar kuchlarining Tripoliga hujumi tufayli noma`lum muddatga qoldirilgan.

Liviyada COVID-19 koronavirusini yuqtirib olish bo`yicha dastlabki holat mart oyi oxirida kuzatilgan. Kasallangan fuqaro Tripolidagi shifoxonalardan biriga yotqizilgandi.

Шарҳлар