my5
all

O`zbekistonda yana bir yangi brend ostida avtomobil ishlab chiqariladi

Iqtisodiyot 14.05.2020, 16:10
1857
O`zbekistonda yana bir yangi brend ostida avtomobil ishlab chiqariladi

Xitoy davlatining “Oshan” brendi ostida ishlab chiqarilayotgan avtomobillarni endilikda Navoiyda ham yig`ish va ichki bozorga chiqarish rejalashtirilmoqda. Bu haqda O`zA yozdi.

– Dastlab, ichki bozor uchun zamonaviy yo`l tanlamas, pikap, miniven kabi kuzovli avtomobillar yig`ishni yo`lga qo`yamiz, – deydi korxona bosh texnologi Afshin Shakeri. – Yiliga 30 ming dona avtoulov ishlab chiqarish quvvatiga ega korxonamizda 200 nafardan ortiq yangi ish o`rinlari yaratiladi. Joriy yil yakuniga qadar ishga tushirish rejalashtirilayotgan zavodning barqaror ishlashi uchun soliq va bojxona imtiyozlarining yaratilayotgani ayni muddao bo`lmoqda.

Ayni paytda mazkur korxonaning qurilish ishlari jadallik bilan olib borilmoqda. Karantin talablari asosida quruvchi va muhandislar tunu-kun mexnat qilmoqda. Maqsad qurilish ishlarini tezda yakunlash. Hozir bu erda sement, o`lchov, tuproq ishlari olib borilayapti. Xullas, yaqin kunlarda NEIZ dagi korxonalar soni yana bittaga ko`payadi. 

Ma`lumot o`rnida aytish lozimki, “Navoiy” erkin iqtisodiy zonasida bugungi kunda Janubiy Koreya Respublikasi, Xitoy, Hindiston, Birlashgan Arab Amirliklari, Singapur, Italiya, Buyuk Britaniya singari rivojlangan va rivojlanayotgan davlatlar bilan hamkorlikda 30 ga yaqin korxonalarda 25 dan ortiq loyihalar faoliyati samarali yo`lga qo`yilgan. Istiqbolda esa, ushbu loyihalarni 78 taga etkazish rejalashtirilgan.

Шарҳлар