Мактабгача таълим ташкилотлари термометрлар билан таъминланмоқда.

Ҳозирги кунда юртимизда мактабгача таълим ташкилотлари ва ота-оналар учун мактабгача ёшдаги болалар таълим-тарбияси ҳамда уларнинг таълим олиш шарт-шароитларини яхшилаш борасида амалий ишлар олиб борилмоқда.

Жумладан Жаҳон банки иштирокидаги “Болаларни эрта ёшдан ривожлантиришни такомиллаштириш” инвестицион лойиҳаси амалга оширилмоқда.

Лойиҳа доирасида Республикамизнинг барча мактабгача таълим ташкилотлари — вазирлик марказий аппарати, вилоят мактабгача таълим бошқармалари, шаҳар ва туман мактабгача таълим бўлимлари ҳамда вазирлик тизимидаги барча ташкилотлар учун 14 000 дона замонавий масофадан тана ҳароратини ўлчаш ускуна (термометр) лари ҳарид қилинди.