Жорий йил якуний танлов рўйхатида айрим бакалавриат таълим йўналишларида максимал 189 баллни тўплаган ҳолда, тўлов-контракт асосида талабаликка тавсия этилган абитуриентлар мавжудлиги хабар қилинган эди.
Шундан сўнг, юлогер Хушнуд Худойбердиев 189 балл олганлар можаросига тўхтала туриб, ҳуқуқий жиҳатдан имтиёзлар нотўғри қўллангани ҳамда абитуриентлар ўрни қайта ҳисоб-китоб қилиниши кераклигини ёзганди.
Айни пайтда блогер кириш имтиҳонларида 189 балл тўплаб контрактга кирган абитуриентлар натижаси қайта ҳисобланиб, улар бюджетга киргани ҳақида хабар қилди.
"Бугун олинган маълумотларга кўра, 189 балл олган абитуриентларнинг ўрни қайта кўриб чиқилган ва натижалар ўзгарган.
Буни юқорида илова қилинган суратлардан ҳам кўрса бўлади. Аввал контрактга киргани айтилган абитуриентлар бугун натижасини қайта текширганда бюджетга киргани ҳақида маълумот турибди.
189 балл олган абитуриентлар диққатига! Сиз ҳам тезда натижангизни қайта текшириб кўринг. Худо хоҳласа, бюджетга ўтганингизни кўришингиз мумкин", - дейилади Хушнудбек хушхабарида.
