Шу йил имзоланган президент қарорларига асосан, 1 ноябрдан бошлаб Соғлиқни сақлаш вазирлиги, Давлат тест маркази ва Бадиий академия мансабдорларининг иш ҳақи оширилади.
ССВ марказий аппарати ва ҳудудий бошқарув органлари ходимларига кўп йил ишлаганлик учун ҳар ойлик устама тўланади. ДТМ бошқарув ходимлари лавозим маошларини аниқлашда тариф коэффитсиентлари бир ярим баравар миқдорида қўлланади. Бадиий академия марказий аппарати ходимларининг лавозим маошига давлат бюджетидан 100 фоиз миқдорда ойлик устамалар белгиланади.
