my5
Sevimli

Президент Шавкат Мирзиёев Чилонзор тумани фаоллари иштирокида йиғилиш ўтказди

СИЁСАТ 20.11.2020, 22:06
Теглар: Шавкат Мирзиёев, Чилонзор
Президент Шавкат Мирзиёев Чилонзор тумани фаоллари иштирокида йиғилиш ўтказди

Президент Шавкат Мирзиёев Тошкентнинг Чилонзор туманини ижтимоий-иқтисодий тараққий эттириш масалалари муҳокамаси юзасидан маҳалла раислари, ёшлар, мутасаддилар иштирокида йиғилиш ўтказди.

– Бугун туманда «ўсиш нуқталари»ни аниқлаб, иқтисодиётни комплекс ривожлантириш, аҳоли турмуш даражасини ошириш бўйича вазифаларни белгилаб олишимиз керак, – деди давлатимиз раҳбари тадбир аввалида.

Чилонзорда 51 та маҳалла бор. Иқтисодий фаол аҳолининг 9 фоизи ишсиз. Киши бошига саноат ҳажми Тошкент шаҳридаги ўртача кўрсаткичдан 2 баробар паст.

Шу боис маҳаллалардаги резервлар ўрганилиб, туманни комплекс ривожлантириш бўйича икки йиллик дастур ишлаб чиқилди. У еттита асосий йўналишни қамраб олган.

 Дастурга кўра, қурилиш материаллари, озиқ-овқат, тўқимачилик, кимё, фармацевтика, заргарлик каби соҳаларда умумий қиймати 10 триллион 238 милиард сўмлик 298 та инвестиция лойиҳаси шакллантирилган.

Шунингдек, тадбиркорликни ривожлантириш, камбағалликни қисқартириш, йўл ва коммунал тармоқларни таъмирлаш, тиббиёт ва таълим соҳаларида янги ислоҳотларни жорий этиш, жиноятчиликни қисқартириш бўйича долзарб вазифалар белгиланди.

– Агар маҳаллабай ичига кирсак, одамлар адолатни сезади, – дея таъкидлади Президент.

Давлатимиз раҳбари йиғилишга келган ёшларнинг фикрларини тинглади. Уларнинг барча таклифларини қўллаб-қувватлаб, ижроси бўйича мутасаддиларга топшириқлар берди.

– Тошкентда ёшлар билан ишлаш бўйича янги тизим бўлади, – деди Шавкат Мирзиёев. – Шаҳар ёшлари форуми ўтказилади. Тошкент ёшлари карвонбоши бўлиши керак.

Пойтахт туманларида «лойиҳалар фабрикаси» ташкил этиб, ёшларнинг бизнес ташаббусларини амалга оширишга кўмаклашиш зарурлиги қайд этилди.

– Ўзбекистоннинг эртанги кунини пешона теримиз билан яратамиз. Ким бу ишларни қилади? Ватанни севган, фидойи инсонлар! Йўлимиз битта: одамларга ҳалол хизмат қилиш, халқимизнинг розилигига эришиш, – деди давлат раҳбари йиғилиш якунида.

 

Шарҳлар

Шавкат Мирзиёевнинг Россия ва Кореяга расмий ташрифи режалаштирилмоқда

09.04.2021, 11:30

Шавкат Мирзиёевнинг Россия ва Кореяга ташрифи режалаштирилмоқда. Бу ҳақда Президент матбуот котиби Шерзод Асадов ўтказаётган брифингда маълум қилинди.Хабарга кўра, 5 апрель куни Президент Россия саноат...
Бугун турли даражадаги раҳбарларнинг ишдан олиниши кутилмоқда

08.04.2021, 14:40

Бугунги бўлиб ўтадиган Президент видеоселекторида жорий йилда кичик ва ўрта бизнесни қўллаб-қувватлаш ҳамда аҳоли бандлигини таъминлаш дастурини амалга ошириш чоралари танқидий кўриб чиқилади.Ўтган йили кичик...
Президент 3 та йўналиш бўйича соғлиқни сақлаш тизими раҳбарлари олдига савол қўйди

01.04.2021, 18:38

Аввалроқ, Президент Шавкат Мирзиёев айни пайтда соғлиқни сақлаш тизимини тубдан ислоҳ қилиш бўйича ўтган йил ноябрь ойида қабул қилинган фармон ва қарорлар ижроси юзасидан видеоселектор...
"Кун тартибидаги масала жуда жиддий". Президент йиғилиш ўтказмоқда

01.04.2021, 18:00

Президент Шавкат Мирзиёев айни пайтда соғлиқни сақлаш тизимини тубдан ислоҳ қилиш бўйича ўтган йил ноябрь ойида қабул қилинган фармон ва қарорлар ижроси юзасидан видеоселектор йиғилиши...
Кун мавзуси: коронавирус
Об-ҳаво: Ташкент
+24° ясно
Валюта курси
10473.07
USD -6.17
12426.30
EUR -28.28
135.81
RUB 0.76