Исроилда COVID-19 коронавирусига қарши эмлаш 27 декабрдан бошланади, мамлакатнинг 60 минг аҳолиси ҳар куни эмлаш имкониятига эга бўлади, деб эълон қилди чоршанба куни Исроил Бош вазири Биньямин Нетаньяху.
Шу билан бирга, у вакцинани олганига қарамай, COVID-19га қарши курашиш учун киритилган чекловларга риоя қилишни давом эттириш кераклигини таъкидлади.
Эмланган мамлакат аҳолиси мажбурий изоляциясиз эркин ҳаракатланиш ҳуқуқини берувчи "яшил карталар" га эга бўлишади.
Аввалроқ, Исроилга Американинг Pfizer компанияси ва Германиянинг BioNTech компанияси томонидан ишлаб чиқарилган COVID-19 коронавирусга қарши вакцинанинг биринчи партияси келиши айтилган эди. Партия тахминан 100 минг дозани ўз ичига олган.
Ноябрь ойида Исроил Pfizer билан COVID-19 коронавирусига қарши вакцинани етказиб бериш тўғрисида шартнома имзолади. Мутахассисларнинг таъкидлашича, унинг самарадорлиги 95% ни ташкил қилади.
Pfizerдан ташқари Исроил Американинг Moderna компаниясига вакцинани етказиб беришига рози бўлди ва Россиянинг Спутник В вакцинасини сотиб олишга қизиқишини билдирди.
Эслатиб ўтамиз, аввалроқ, Буюк Британияда "Covid-19"га қарши оммавий эмлаш бошлангани хабар қилинган эди. Шунингдек, куни кеча, Американинг «Pfizer» ва Германиянинг «BioNTech» компаниялари томонидан биргаликда ишлаб чиқилган вакцина синовларида олти киши вафот этгани айтилди.
