Туркия президенти Ражаб Тоййиб Эрдўғон Анқара шаҳар шифохонасида 14 январь куни ОАВ иштирокида Хитойнинг CoronaVac компанияси томонидан ишлаб чиқарилган коронавирус вакцинасининг биринчи дозаси билан эмланди.
Давлат раҳбари билан бирга Соғлиқни сақлаш вазири Фаҳреттин Кожа, ҳукмрон Адолат ва тараққиёт партияси раҳбарияти аъзолари ва Миллиятчи ҳаракат партияси раҳбари Девлет Баҳчели ҳам эмланган.
Вакцинадан сўнг Президент Эрдоған эмлангани ҳақидаги ижтимоий тармоқлардаги саҳифаларида эълон қилди. Эмлаш дастурининг муваффақиятли давом этаётганлигини ва 254 минг соғлиқни сақлаш ходимининг биринчи дозада эмланганини таъкидлаган Президент Эрдоған, "Мен ҳам уларга қўшилиб эмландим. Биз жуда қисқа вақт ичида барча фуқароларимизни эмлашни мақсад қилганмиз. Омад тилаймиз", деди.
Президент Эрдўғаннинг касалхонадан чиқиш пайтида матбуот аъзолари билан суҳбатда, Анқара шаҳар касалхонаси бош шифокори, шифокорлари, ҳамширалари ва барча ходимлари билан коронавирусга қарши катта кураш олиб бораётганлигини айтди.
Соғлиқни сақлаш вазири Фаҳреттин Кожа ҳамроҳлигида, ҳозиргача эмланганлар сони 300 мингга етгани ҳақида маълумот олганини таъкидлаган Президент Эрдоған, барча депутатларни, айниқса сиёсий партия раҳбарларини эмлаш кампаниясини қўллаб-қувватлаш учун жойларда коронавирусга қарши эмлаш кампаниясини ривожлантиришга ҳисса қўшишга чақирди.
Президент Эрдўғоннинг таъкидлашича, Туркия яна 25-30 миллион дозада коронавирус вакцинасини сотиб олади.
Президент Эрдоған ОАВ билан суҳбатида, 28 кундан кейин вакцинанинг иккинчи дозаси билан эмланишини таъкидлади.
Эслатиб ўтамиз, Туркия президенти Ражаб Тоййиб Эрдўған бир неча кун аввал Телеграмда ўз каналини очган эди.
Маълумот учун, аввалроқ, AҚШнинг янги сайланган президенти Жо Байден ва АҚШнинг сайланган вице-президенти Камала Харрис жонли эфирда COVID-19га қарши вакцина қабул қилган эди.
