my5
Sevimli

Танзила Нарбаева Эроннинг Ўзбекистондаги Фавқулодда ва Мухтор элчиси билан учрашди

СИЁСАТ 15.01.2021, 18:38
Танзила Нарбаева Эроннинг Ўзбекистондаги Фавқулодда ва Мухтор элчиси билан учрашди

Бугун, 15 январь куни Ўзбекистон Республикаси Олий Мажлиси Сенати Раиси Т. Нарбаева Эрон Ислом Республикасининг Ўзбекистондаги Фавқулодда ва Мухтор элчиси  Ҳамид Найирободий билан учрашди. Бу ҳақда Ўзбекистон Республикаси Олий Мажлиси Сенатининг Ахборот хизмати маълум қилди.


Унда икки мамлакат ўртасидаги парламентлараро
ҳамкорликни ривожлантириш масалалари муҳокама қилинди.
Таъкидланганидек, Ўзбекистон ва Эрон парламентларида дўстлик гуруҳларининг ташкил этилиши парламентлараро муносабатларнинг ривожланишига хизмат қилади. Хусусан, уларнинг фаолияти қонун ижодкорлиги, парламентаризм, савдо-иқтисодий ва маданий-гуманитар соҳаларида ҳамкорликнинг истиқболли йўналишларини излашга қаратилган, шунингдек, тажриба алмашиш юзасидан ҳам доимий мулоқотлар олиб бориш йўлга қўйилмоқда.

Эрон Ислом Республикасининг Ўзбекистондаги Фавқулодда ва Мухтор элчиси  сўнгги йилларда икки давлат ўртасидаги муносабатлар кенгайиб, сиёсий соҳадаги сермаҳсул мулоқотлар фаоллашганини ижобий баҳолади. Бундан ташқари, Президентимиз раҳнамолигида жадал суръатларда амалга оширилаётган кенг қамровли ислоҳотлар, шу жумладан, Ўзбекистондаги мажбурий меҳнат муаммосини бартараф этиш бўйича кўрилаётган самарали ишлар ва эришилган натижалар ҳамда болалар меҳнатига барҳам берилганини алоҳида эътироф этди.

Томонлар икки мамлакат парламентлари аъзолари ўртасида барча даражалардаги алоқаларни тизимли давом эттиришдан манфаатдор эканликларини билдириб, парламентлараро ҳамкорликни янада ривожлантириш, умуман, Ўзбекистон – Эрон алоқаларини кенгайтириш ва чуқурлаштиришда парламентлараро муносабатлар ўз ҳиссасини қўшишини қайд этди.
       Учрашувда ҳамкорликни янада ривожлантириш йўналишлари муҳокама қилинди. Хусусан,  сиёсий, савдо-иқтисодий, сармоя ва туризм, маданий-гуманитар соҳаларда икки давлат алоқаларни янги босқичга кўтариш имкониятлари ҳақида барча даражалардаги сиёсий мулоқотни фаоллаштириш, иқтисодий ҳамкорликни кучайтириш ҳам шулар жумласидандир.

Шарҳлар

Кун мавзуси: коронавирус
Об-ҳаво: Ташкент
+4° ясно
Валюта курси
10538.53
USD -15.81
12879.14
EUR 41.9
143.31
RUB -0.12