my5
Sevimli

Каратэ бўйича болалар ва қизлар ўртасида Ўзбекистон чемпионати бошланди

СПОРТ 02.03.2021, 12:47
Каратэ бўйича болалар ва қизлар ўртасида Ўзбекистон чемпионати бошланди

 Бу ҳақда Жисмоний тарбия ва спорт вазирлиги Матбуот хизмати хабар берди.

Бугун эрталабдан пойтахтимиздаги «Универсал» спорт мажмуасида каратэ WKF бўйича болалар ва қизлар ўртасида Ўзбекистон чемпионати баҳслари бошлаб юборилди. Жисмоний тарбия ва спорт вазирлиги, Миллий олимпия қўмитаси, Ўзбекистон каратэ миллий федерацияси ҳамда Спорт яккакурашлари бўйича Республика олий спорт маҳорати мактаби ҳамкорлигида ташкил этилган мусобақада Қорақалпоғистон Республикаси, барча вилоятлар ва Тошкент шаҳридан 800 нафардан зиёд иқтидорли каратэчилар баҳсларга киришди.

Бугунги баҳсларда 8-9 ёшли ўғил болалар ва қизлар иштирок этишди. Иштирокчилар яккалик ката ва кумите бўйича ўзаро мусобақалашди.

Болалар ва қизлар ўртасидаги Ўзбекистон чемпионатининг очилиш маросимида Жисмоний тарбия ва спорт вазирининг биринчи ўринбосари Равшан Эрматов, Миллий олимпия қўмитаси раиси Рустам Шоабдурахмонов, Ўзбекистон спорт фахрилари кенгаши раиси Баҳодир Махситов ва бошқалар иштирок этди.

Финал жанглари тугагач, ғолиб ва совриндорлар ташкилотчилар томонидан медаль ва дипломлар билан тақдирланди.

Бугунги мусобақаларнинг барча ғолиб ва совриндорлари:

Яккалик ката машқлари.

9 ёшли қизлар

1. Шомуротова М.

2. Абдураимова Ш.

3. Каримова Ш.

3. Жаҳонгирова Ш.

8-9 ёшли ўғил болалар

1. Кушбаев Ш.

2. Комилов К.

3. Рустамжонов К.

3. Қадамов С.

Яккалик кумите

8-9 ёшли қизлар

1. Рустамова Г.

2. Қўзибоева Ш.

3. Зокирова М.

3. Нуриддинова М.

8-9 ёшли ўғил болалар

1. Жабборов

2. Исматуллаев

3. Исроилов

Мусобақалар эртага давом эттирилади.

 

 

 

 

 

 

 

 

Шарҳлар

Кун мавзуси: коронавирус
Об-ҳаво: Ташкент
+21° ясно
Валюта курси
10475.41
USD -2.51
12469.93
EUR 9.59
135.43
RUB -0.33