my5
Sevimli

Фарғонада отасини дўсти билан яраштирмоқчи бўлган фарзанд қотилга айланди

ЖИНОЯТ 02.03.2021, 20:03
Фарғонада отасини дўсти билан яраштирмоқчи бўлган фарзанд қотилга айланди

27 февраль куни соат 19:30 ларда 32 ёшли Аҳрор У., Марғилон шаҳри “Ариқбўйи” МФЙ.,да яшовчи 52 ёшли Ғайрат Ю.,нинг олдига келиб, у билан ўзаро жанжаллашиб, уни қўл ва оёқлари билан уриб тан жароҳати етказган. Натижада Ғайрат Ю., олган жароҳатлари оқибатида шифохонада вафот этган, дея хабар берди Ўзбекистон Республикаси ИИВ ҳузуридаги Тергов департаменти.

Олиб борилган терговга қадар текширув ҳаракатлари давомида, Ғайрат Ю., таниши А.О., билан биргаликда спиртли ичимлик истеъмол қилиб, маст ҳолатда Ғайрат Ю.,нинг уйига келиб у ерда жанжаллашиб қолишганликларидан А.О.,нинг ўғли Аҳрор У. хабар топиб отаси билан яраштириб қўйиш мақсадида маст ҳолатдаги Ғайрат Ю.,ни уйига келиб уни олиб кетмоқчи бўлган вақтида ўзаро жанжаллашиб қолганликлари аниқланган.

Мазкур ҳолат юзасидан Марғилон шаҳар ИИБ ҳузуридаги Тергов бўлими томонидан Аҳрор У.,га нисбатан Ўзбекистон Республикаси Жиноят кодексининг 104-моддаси 3-қисми «д» банди (Қасддан баданга оғир тан жароҳати етказиш) билан жиноят иши қўзғатилиб, процессуал тартибда ушланган.

Ҳозирда тергов давом этмоқда.

Шарҳлар

Кун мавзуси: коронавирус
Об-ҳаво: Ташкент
+21° ясно
Валюта курси
10475.41
USD -2.51
12469.93
EUR 9.59
135.43
RUB -0.33