my5
Sevimli

Кимларга эмланиш тавсия этилмайди? Нурмат Отабеков жавоб берди

САЛОМАТЛИК 07.03.2021, 13:03
Теглар: Нурмат Отабеков
Кимларга эмланиш тавсия этилмайди?  Нурмат Отабеков жавоб берди

“COVID-19” га қарши кимларга эмланиш тавсия этилмайди? Эмлангандан кейинги асоратлар бўлиши мумкинми? ССВ матбуот хизматининг шу каби муҳим саволларига Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат АТАБЕКОВ жавоб берди.  

— Эмлаш тадбирларини амалга ошириш пайтида ушбу вакцинани ишлаб чиқарган ташкилотнинг тавсияларига амал қилинади, — дейди Нурмат Атабеков. —  ОИВ инфекциясига ёки аутоиммун касалликларига чалинган шахсларни, шу жумладан анамнезида оғир аллергик реакциялари мавжуд бўлган шахсларни, ҳомиладорларни, эмизикли аёлларни ва 18 ёшгача бўлган аҳоли қатламини эмлаш тавсия этилмайди.  

Ҳар қандай ҳолатда ҳам эмлаш тўғрисидаги қарор тиббий кўрик натижасида қабул қилинади.  

Мабодо эмлашга монеълик қиладиган у ёки бу турдаги ҳолатлар кузатилса, тиббий кўрик ўтказаётган шифокор, албатта, унга эътибор қаратади.

— Коронавирус билан касалланган шахслар билан яқин алоқада бўлганларни эмлаш мумкинми? Буни қаерда ва қандай амалга ошириш мумкин?

— Коронавирус билан касалланган одамлар билан яқин алоқада бўлган шахслар карантин (14 кун) тугаганидан кейин, шифокор кўригидан сўнг эмланади.

— Эмлангандан кейинги асоратларнинг олдини олиш борасида қандай ишлар қилиняпти?

— Коронавирусга қарши эмланган шахслар патронаж тиббиёт ходимлари томонидан эмлангандан сўнг 30 дақиқа давомида кузатиб турилади. Кейинчалик уч кун давомида уйига ташриф буюриш йўли билан мунтазам тиббий кузатувга олинади. Уларнинг соғлиғи, аҳволи кўздан кечирилиб, тегишли ҳужжат билан расмийлаштирилади.

Барча эмлаш масканларида мутахассислар (вакцинаторлар), асбоб-анжомлар ва биринчи тиббий ёрдам учун зарур бўлган дори-дармонлар заҳираси яратилади. Эмлаш мутахассислари эмлашдан кейинги салбий реакцияларни аниқлаш ва лозим бўлган тақдирда тегишли тиббий ёрдам кўрсатиш бўйича тайёргарликдан ўтказилган. “COVID-19” га қарши эмланиш билан боғлиқ аллергик реакция кузатилган ҳолларда тез тиббий ёрдам бригадалари ҳам жалб этилади.  

Яна бир бор таъкидлаб ўтамиз, фуқаролар эмланишдан олдин, албатта, тиббий текширувдан ўтказилади. Бу кутилмаган асоратларнинг олдини олишга замин яратади.  

Шарҳлар

Ўзбекистон вакцинация жараёнларига қанчалик тайёр? Нурмат Отабеков жавоб берди

31.03.2021, 17:41

COVID-19 га қарши эмлаш жараёнига тайёргарлик ишлари тўғрисида Санитария-эпидемиологик осойишталик ва жамоат саломатлиги хизмати  раҳбари ўринбосари Нурмат Отабеков қуйидагиларни маълум қилди.Унинг сўзларига кўра, оммавий эмлаш...
Ўзбекистонда хусусий клиникаларга COVID-19 га қарши эмлаш ўтказишга рухсат бериладими? Нурмат Отабеков жавоб берди

30.03.2021, 17:38

Ўзбекистонда нодавлат тиббиёт муассасаларига ҳам коронавирус инфекциясига қарши пулли эмлашни амалга оширишига рухсат берилади. Бу ҳақда Коронавирусга қарши курашиш штаби аъзоси Нурмат Отабеков “Ўзбекистон 24”га...
Касалланиш кўрсаткичи ҳар юз минг аҳолига 0,4 кўрсаткичга кўтарилди – Нурмат Атабеков

19.03.2021, 19:57

Касалланиш кўрсаткичи ҳар юз минг аҳолига 0,4 кўрсаткичга кўтарилдиБугун, 19 март куни АОКАда СOVID-19 билан боғлиқ бугунги вазият, вакцинация жараёнларига тайёргарлик мавзусида брифинг бўлиб ўтди....
Эмлашга жалб қилиш учун атайин касаллик бўрттириб кўрсатиляпти, деган гапларда мантиқ йўқ – Нурмат Отабеков

17.03.2021, 23:09

Бугун, 17 март куни АОКА мажлислар залида бўлиб ўтган "Ўзбекистонда коронавирус билан боғлиқ вазият, вакцинация жараёнларига тайёргарлик" мавзусидаги матбуот анжуманида Санитария-эпидемиологик осойишталик ва жамоат саломатлиги...
Кун мавзуси: коронавирус
Об-ҳаво: Ташкент
+19° ясно
Валюта курси
10475.41
USD -2.51
12469.93
EUR 9.59
135.43
RUB -0.33