АҚШ Миллий авиация ва космик бошқармаси (NASA) яқин 10 йил ичида Ойга биринчи аёлни юбормоқчи. Бу ҳақда CBS News томонидан хабар берилган.
NASA космик учириш бўйича директори Чарли Блэквелл-Томпсоннинг телеканалга айтишича, миссия режалаштирилган “Артемида” дастурининг аъзолари тўққиз эркак ва тўққиз аёл бўлади. Унинг сўзларига кўра, Ернинг сунъий йўлдошини ўрганишга қайтиш турли хил қимматли билимларни ва кўплаб илмий кашфиётларни тақдим этади.
Шу билан бирга, “Артемида” дастурини амалга ошириш ҳозирги кунда ортиқча харажатлар туфайли кечиктирилаётгани таъкидланган.
