"Қамчиқ" довонидан ўтган автомобиль йўлининг 221-246 километрлари оралиғида вақти-вақти билан майдалаб қор ёғмоқда, дея хабар бермоқда ИИВ ЙҲХББ Ахборот хизмати.
Маълум қилинишича, йўллар очиқ, музламалар мавжуд эмас. Лекин асфальт нам бўлганлиги боис сирпанчиқлик мавжуд.
"Барча ҳайдовчилардан об-ҳаво шароитини инобатга олган ҳолда тезликни меъёрдан оширмасдан, оралиқ масофани сақлаб ҳаракатланишларини сўраймиз", - дейилади хабарда.
Эслатиб ўтамиз, сал аввал "Қамчиқ" довонида юк машинаси иштирокида ЙТҲ содир бўлгани хабар қилинган эди.
