sevimli
Sevimli

Қорақалпоғистон ва Хоразмда шартли душман тунда яксон этилди

ЖАМИЯТ 29.11.2021, 15:30
Қорақалпоғистон ва Хоразмда шартли душман тунда яксон этилди

Ўзбекистон Республикаси Қуролли Кучлари Бош штаби бошчилигида ўтказилган ўқувлар доирасида олинган шартли сигналга мувофиқ Шимоли-ғарбий ҳарбий округ бошқарув аппарати ҳамда бўйсунувдаги ҳарбий қисм ва муассасалар юқори жанговар шайлик даражаларига келтирилди. 

Ўқувларни ўтказишдан асосий мақсад, жанговар шайликни сақлаш, куч тузилмалари билан ҳамкорлик масалаларини ташкиллаштириш, шахсий таркибнинг назарий билим ва амалий кўникмаларини ошириш кабилардан иборат. 

Машғулотлар давомида бўлинма командирларининг кўникмаларини мустаҳкамлаш, жавобгарлик ҳудудини ҳимоя қилиш бўйича ўқув-жанговар ҳаракатларни режалаштириш, сафарбарлик ресурсларини тўплаш ва етказиб бериш бўйича ҳамкорликни такомиллаштириш ҳамда ҳар томонлама қўшинлар таъминотини йўлга қўйиш масалалари кўриб чиқилди. Бўлинмаларнинг навбатчи куч ва воситалари орқали шахсий таркибни тезкор огоҳлантириш, командирларнинг бўлинмларни юқори жанговар шайлик даражасига келтиришда бажарадиган ишлари, бўлинмаларнинг жипсликдаги ҳаракатлари, шахсий таркиб, жанговар техника ва қурол-аслаҳаларнинг жанговар вазифани бажаришга тайёргарлигига алоҳида эътибор қаратилди. 

Ўқувлар давомида куч тузилмалари билан биргаликдаги ўқув ва амалий тадбирлар ташкил этилди. Хусусан, разведка бўлинмалари томонидан чегара олди ҳудудларида разведка-қидирув ҳаракатлари олиб борилиб, шартли душман эҳтимоий йўналиш маршрутлари синчковлик билан ўрганиб чиқилди. “Нукус” аэропортида юзага келган фавқулодда ҳолатни бартараф этиш ҳамда жабрланганларга тез тиббий ёрдам кўрсатиш бўйича Қорақалпоғистон Республикаси Фавқулодда вазиятлар бошқармаси ҳамда ҳамкор давлат бошқаруви органлари ҳамкорлигида кўргазмали тактик-махсус ўқуви бўлиб ўтди. Давлат хавфсизлик хизмати Чегара қўшинларининг давлат чегараларини қўриқлаш ва ҳимоя қилиш бўйича қўмондонлик-штаб ўқуви намойиш этилди.

“Янгиариқ” умумқўшин полигони ҳудудида Урганч гарнизонидаги Мудофаа вазирлигига қарашли ҳарбий қисмнинг взвод-тактик гуруҳи томонидан шартли душман кучларини тунгги шароитда яксон этиш бўйича жанговар отишма билан ўқув машғулоти ўтказилди. Шунингдек, ушбу полигонда ички ишлар органлари, Миллий гвардия ҳамда Давлат хавфсизлик хизмати, Фавқулодда вазиятлар бошқармаси бўлинмалари билан шаҳар шароитида гаровга олинган фуқароларни қутқариш ва шартли террорчиларни йўқ қилиш бўйича махсус ўқувлар кўрсатиб берилди. 

Мазкур ўқув машғулотлари бўлинма ва ҳарбий хизматчиларнинг жанговар тайёргарлик бўйича билим ва кўникмаларини яна бир бор синовдан ўтказиб, тажрибаларини янада мустаҳкамлади.

Майор Тимур Нарзиев,

Шимоли-ғарбий ҳарбий округ матбуот хизмати бошлиғи.

Шарҳлар

Кун мавзуси: коронавирус
Об-ҳаво: Ташкент
Валюта курси