sevimli
Sevimli

Ўзбекистон делегацияси Қобул шаҳрида Афғонистон Mуваққат ҳукумати билан музокара ўтказди

ЖАМИЯТ 30.11.2021, 22:49
Теглар: Ўзбекистон, Афғонистон
Ўзбекистон делегацияси Қобул шаҳрида Афғонистон Mуваққат ҳукумати билан музокара ўтказди

2021 йилнинг 30 ноябрь куни Ўзбекистон Республикаси Президентининг Афғонистон бўйича Махсус вакили Исматулла Иргашев бошчилигидаги мамлакатимиз делегацияси Кобул шаҳрига ташриф буюриб, Афғонистон Муваққат ҳукумати вакиллари билан учрашувлар ўтказди. Бу ҳақда Ташқи ишлар вазирлиги матбуот хизмати хабар берди

Хусусан, Вазирлар Маҳкамаси раҳбарияти, Ташқи ва Ички ишлар, Жамоатчилик, Энергетика ва Иқтисодиёт вазирликларида музокаралар олиб борилди. Мамлакатдаги мавжуд вазият, Афғонистон халқига инсонпарварлик ва бошқа ёрдам кўрсатиш борасидаги саъй-ҳаракатлар, энергетика ва транспорт соҳаларида йирик инфратузилма лойиҳаларини амалга ошириш масалалари муҳокама қилинди.

Афғонистон Муваққат ҳукумат вакиллари Ўзбекистон Республикаси Президенти Шавкат Мирзиёевга ушбу синовли дамларда афғон халқини фаол қўллаб-қувватлаётгани, мамлакатда тинчлик ва осойишталик ўрнатилишига кўрсатаётган ёрдами, янги ҳукумат томонидан афғон заминида тинчлик ва барқарорликни таъминлашга қаратилган қаратилган саъй-ҳаракатлари учун самимий миннатдорлик билдирди.

Ўзбекистон томонидан электр энергиясини узлуксиз етказиш, Ўзбекистон-Афғонистон давлат чегараси иш тартибини давом эттириш, Мозори Шариф халқаро аэропорти фаолиятини тиклашга кўмаклашиш, инсонпарварлик ёрдамини ўз вақтида кўрсатиш борасида амалга оширилаётган чора-тадбирларга юқори баҳо берилди.  

Афғонистон томони Ўзбекистон ташаббуси билан бошланган Сурхон – Пули-Хумри электр узатиш линияси ва Мозори Шариф-Кобул-Пешовар темир йўли қурилиши каби инфратузилма лойиҳаларини амалга оширишни имкон қадар тезроқ бошлашга тайёрлигини тасдиқлади. Бу лойиҳалар мамлакатни минтақавий жараёнларга босқичма-босқич жалб этишнинг асосий омилига айланган интеграция ва ўзаро боғлиқликка хизмат қилади.

Афғонистон вакиллари Ўзбекистон томонини Ўзбекистон ва минтақанинг бошқа давлатларига, умуман, бутун дунёга заррача таҳдид ҳам ҳеч қачон ушбу давлат ҳудудидан келмаслигига ишонтирди.

Афғонистоннинг янги ҳукумати Ўзбекистон билан биргаликда икки мамлакат халқларининг буюк аждодлари – Алишер Навоий (Ҳирот), Заҳириддин Бобур (Кобул), Абу Райҳон Беруний (Ғазна) ва Бобораҳим Машраб (Таҳор) қўним топган масканларда ободонлаштириш ишларини олиб боришга тайёрлигини билдирди. Мамлакат мактаблари ва олий ўқув юртларида ўзбек тилини ўрганишга ҳам алоҳида эътибор қаратилади.

Афғонистон томони минтақавий хавфсизлик ва барқарорликни таъминлаш йўлида икки мамлакат халқлари манфаатлари йўлида Ўзбекистон билан биродарлик ва яхши қўшничилик муносабатларини қўллаб-қувватлаш йўналишини бундан кейин ҳам давом эттиришга қатъий эканини тасдиқлади.

Шарҳлар

Афғонистонда кучли зилзила содир бўлди. Қурбонлар бор

18.01.2022, 19:38

17 январь куни Афғонистон ғарбидаги Бадгис вилоятида кучли зилзила содир бўлди. Бу ҳақда Baxtar агентли хабар бермоқда. Қайд этилишича, содир бўлган зилзила оқибатида 22 киши ҳалок...
2005 йилдан буён Афғонистонда 28 мингдан ортиқ бола ҳалок бўлган — БМТ

05.01.2022, 20:41

Бирлашган Миллатлар Ташкилотининг Болалар жамғармаси (UNICEF) болалар ўлими бўйича тадқиқот ўтказди. Бу ҳақда "Ariana News" телеканали хабар берди.  Унга кўра, 2005 йилдан буён  Афғонистонда рўй...
Ислом мамлакатлари Афғонистонга моддий ёрдам ажратмоқчи

20.12.2021, 22:56

Покистон пойтахти Исломободда Ислом ҳамкорлиги ташкилотига аъзо 57 мамлакат делегатлари ўртасида учрашув ўтказилди. Бу ҳақда DW хабар берди. Қайд этилишича, Покистонда бўлиб ўтган мусулмон мамлакатлари анжуманида...
Афғонистондаги очарчилик инқирози қачон юзага келган?

28.11.2021, 17:13

“Толибон” ҳаракати мамлакатдаги озиқ-овқат инқирози қачондан юзага келганини маълум қилди. Бу ҳақда ТАСС хабар бермоқда. Ҳукумат раиси мулла Муҳаммад Ҳасан Охунд маълум қилишича, очарчилик аввалги режим вақтида...
Кун мавзуси: коронавирус
Об-ҳаво: Ташкент
Валюта курси