my5
Sevimli

​Одил Аҳмедов: Ўзбекистон нима учун "Пахтакор" стадионида ўйнамайди, тушунмайман...

СПОРТ 17.10.2018, 12:05
Теглар: Футбол
​Одил Аҳмедов: Ўзбекистон нима учун  "Пахтакор" стадионида ўйнамайди, тушунмайман...

Кеча Ўзбекистон миллий терма жамоаси Тошкентда Қатарни 2:0 ҳисобида мағлуб этди.

Учрашувдан сўнг терма жамоа сардори Одил Аҳмедовни championat.asia мухбирлари суҳбатга чорлади.

"Ғалаба қозонамиз деб майдонга чиққан эдик. Биринчи бўлимда бироз эҳтиёткор бўлиб ҳаракат қилдик ва ҳимояга эътибор қаратдик. Иккинчи бўлимда эса Қатар ҳам ҳудди биз каби олдинга ўтди ва айни шу сабаб биз учун ҳужумда зоналар пайдо бўлди", - дея Аҳмедов ўйинга умумий фикрини билдирди.

- Бугун ҳам КХДРга қарши бўлгани каби майдон чими эркин ҳаракат қилишга ҳалал берди, бу борада нима дея оласиз?
- Ҳа, бу нарса таъсир ўтказади. Ташқаридан унчалик билинмаслиги мумкин, лекин майдонга тушиб ўйнаб кўрган одамга бу нарса дарҳол билинади. Ҳар бир жамоа қайси майдонда ўйнашини танлаши керак. Бу Ўзбекистон миллий терма жамоаси-ку ахир. Нима учун ҳамма шароитлари ва ажойиб майдони бор "Пахтакор" стадионида ўйналмайди, очиғи, тушунмайман. Бу ерда чим яхши эмас.

- Шунга қарамай, бугун самарадорлик кўрсатдингиз.
- Бу футбол, унда доим гол ураман ёки голли пас бераман деб майдонга чиқамиз. Аллохга шукр, бугун ўйиним қовушди ва гол уриб, ҳам голли пас бердим.

- Эктор Купер айни пайтда ҳимояни тартибга келтириб олишга кўпроқ урғу бермоқда. Бош мураббий танлаган тактика ва услуб ўйинчи ва жамоа сардори сифатида сизга маъқул келаяптими?
- Мураббий қандай тактика танлашидан қатъи назар жамоа учун энг керакли нарса - натижа. Танланган услуб натижа берса, демак биз тўғри йўлда бўламиз.

- Мураббий сиз билан сардор сифатида жамоанинг келажакдаги ҳаракатлари ҳақида юзма-юз гаплашдими?
- Бундай мавзуда гаплашганимиз йўқ.

Шарҳлар

Футбол афсонаси Диего Марадона 60 ёшда вафот этди

25.11.2020, 23:07

Аргентиналик футбол афсонаси, 1986 йилги жаҳон чемпиони Диего Марадона вафот этди. Бу ҳақда РИА Новости Аргентинанинг TN телеканалига асосланиб хабар берди.У 30 октябрь куни тиббий...
Футбол стадиони олдидаги жанжал пичоқбозлик билан якунланди(фото)

04.11.2020, 21:59

Сурхондарё. 2020 йилнинг 22 октябрь куни соат 20:30 да 21 ёшли Ў.Ж. ва 18 ёшли Ю.Х., жамоат жойи ҳисобланган “Гулобод” маҳалласидаги фуқаро С.Н.,га тегишли фудбол...
Неймар дунёнинг энг яхши 5 футболчисидан иборат рамзий терма жамоа тузди

27.10.2020, 23:07

ПСЖ ҳужумчиси Неймар дунёнинг энг яхши 5 футболчисидан иборат рамзий терма жамоа тузди. Унда Роналду йўқ.Неймар ўз рўйхатига қуйидаги футболчиларни киритди: Пол Погба (Франция, «Манчестер...
Ўзбекистонлик футболчи Италия жамоасига ўтади

25.11.2019, 18:12

Ўзбекистонлик ёш футболчи, «Бунёдкор» яримҳимоячиси Жасур Жалолиддинов легионерга айланиши кутилмоқда. Бу ҳақда Клуб матбуот хизмат хабар берди.Келтирилишича, Жасур Жалолиддинов Италия «B» Cерияси иштирокчиси «Беневенто»га ўтади.«Ёш футболчимизнинг ҳаракатлари...
Кун мавзуси: коронавирус
Об-ҳаво: Ташкент
+-3° дымка
Валюта курси
10538.53
USD -15.81
12879.14
EUR 41.9
143.31
RUB -0.12