42

​Odil Ahmedov: O`zbekiston nima uchun "Paxtakor" stadionida o`ynamaydi, tushunmayman...

Sport 17.10.2018, 12:05
Теги: Futbol
2730
​Odil Ahmedov: O`zbekiston nima uchun  "Paxtakor" stadionida o`ynamaydi, tushunmayman...

Kecha O`zbekiston milliy terma jamoasi Toshkentda Qatarni 2:0 hisobida mag`lub etdi.

Uchrashuvdan so`ng terma jamoa sardori Odil Ahmedovni championat.asia muxbirlari suhbatga chorladi.

"G`alaba qozonamiz deb maydonga chiqqan edik. Birinchi bo`limda biroz ehtiyotkor bo`lib harakat qildik va himoyaga e`tibor qaratdik. Ikkinchi bo`limda esa Qatar ham huddi biz kabi oldinga o`tdi va ayni shu sabab biz uchun hujumda zonalar paydo bo`ldi", - deya Ahmedov o`yinga umumiy fikrini bildirdi.

- Bugun ham KXDRga qarshi bo`lgani kabi maydon chimi erkin harakat qilishga halal berdi, bu borada nima deya olasiz?
- Ha, bu narsa ta`sir o`tkazadi. Tashqaridan unchalik bilinmasligi mumkin, lekin maydonga tushib o`ynab ko`rgan odamga bu narsa darhol bilinadi. Har bir jamoa qaysi maydonda o`ynashini tanlashi kerak. Bu O`zbekiston milliy terma jamoasi-ku axir. Nima uchun hamma sharoitlari va ajoyib maydoni bor "Paxtakor" stadionida o`ynalmaydi, ochig`i, tushunmayman. Bu erda chim yaxshi emas.

- Shunga qaramay, bugun samaradorlik ko`rsatdingiz.
- Bu futbol, unda doim gol uraman yoki golli pas beraman deb maydonga chiqamiz. Alloxga shukr, bugun o`yinim qovushdi va gol urib, ham golli pas berdim.

- Ektor Kuper ayni paytda himoyani tartibga keltirib olishga ko`proq urg`u bermoqda. Bosh murabbiy tanlagan taktika va uslub o`yinchi va jamoa sardori sifatida sizga ma`qul kelayaptimi?
- Murabbiy qanday taktika tanlashidan qat`i nazar jamoa uchun eng kerakli narsa - natija. Tanlangan uslub natija bersa, demak biz to`g`ri yo`lda bo`lamiz.

- Murabbiy siz bilan sardor sifatida jamoaning kelajakdagi harakatlari haqida yuzma-yuz gaplashdimi?
- Bunday mavzuda gaplashganimiz yo`q.

Комментарии

O`zbekiston Qatar ustidan g`alabaga erishdi

17.10.2018, 11:42

Dastlab, Odil Ahmedov 72-daqiqada boshi bilan aniq zarba berib, hisobni ochishga muvaffaq bo`ldi. Keyin esa Odilning o`zi zaxiradan maydonga tushgan Marat Bikmaevni darvozabon bilan birga-bir...
Urugvay-Rossiya o`yinida o`zbekistonlik mutaxassis komissarlik qiladi

22.06.2018, 17:38

FIFA JCh-2018da ishlashga O`zbekiston futbol assosiasiyasidan taklif qilgan Xalqaro aloqalar bo`limi boshlig`i o`rinbosari Olim Arifov «A» guruhi o`yinlarining so`nggi turidan o`rin olgan Urugvay – Rossiya...
Xolis baho: Ravshan Ermatov aslida o`yinni qanday boshqargan edi?

22.06.2018, 17:34

Argentina terma jamoasi futbol bo`yicha Rossiyada bo`lib o`tayotgan jahon chempionati ikkinchi tur doirasida Xorvatiyaga qarshi maydonga tushib, kutilmaganda 0:3 hisobida mag`lubiyatga uchradi.Mazkur o`yinni Ravshan Ermatov...
Sobiq hakam: Ravshan Ermatov o`yinni yaxshi boshqardi

22.06.2018, 15:05

O`zbekistonlik sobiq hakam Xolmat Mirzaahmedov championat.asia nashriga bergan intervyusida mashhur o`zbek hakami Ravshan Ermatov kecha bo`lib o`tgan Argentina — Xorvatiya bahsini qanday boshqargani haqida o`z...