my5

Ўзбекистон ва Беларусь ҳарбийлари экстремал шароитларда яшовчанлик имкониятларини намойиш этди (Фото)

ЖАМИЯТ 22.05.2019, 23:29
Теглар: Фото
1324
Ўзбекистон ва Беларусь ҳарбийлари экстремал шароитларда яшовчанлик имкониятларини намойиш этди (Фото)

“Ғурумсарой” дала-ўқув майдонида “Жанговар ҳамдўстлик–2019” шиори остида кечаётган Ўзбекистон–Беларусь махсус бўлинмалари ҳарбий хизматчиларининг ҳамкорликдаги махсус тактик-ўқув машғулотларига тайёргарлик давом этмоқда.

21-22 май кунлари ҳар икки мамлакат ҳарбий хизматчилари шартли душман гаровга олган бир неча шахсларни қутқариш ҳамда ноқонуний қуролланган тўдаларнинг қуролли ҳаракатларига фавқулодда барҳам бериш мақсадида уларнинг қароргоҳига қўққисдан ҳужум қилиш операциясини амалга ошириш бўйича махсус тактик-ўқувларига тайёргарлик машқларини бажаришди.

“Махсус тактик-ўқув машғулотига тайёргарлик давомида шартли душман ўрнашган ҳудудга ёриб кириш ҳамда уларни буткул тор-мор қилиш учун икки мамлакат махсус кучлари бўлинмалари ҳарбий хизматчиларига қисқа муддат вақт ажратилади. Бунда улар, энг аввало, ҳужум режаси ва ўз позицияларини аъло даражада адо этишлари лозим. Айни дамда кечаётган тайёргарлик машғулотлари ҳар икки мамлакат ҳарбийларининг дастлабки кўникмаларини шакллантирмоқда”, – дейди майор Расулхон Аҳмедов.

Жанговар ҳамдўстлик ҳарбий хизматчилари шартли душман мудофаа чизиқларини зирҳли техникалар орқали ёриб кириш, гуруҳларга бўлинган ҳолда тезкор тактик ҳаракатлар билан қуролли тўдаларнинг пистирмаларини бомбардимон этиш, тепаликлардан арқон ёрдамида ҳужум гуруҳига қанотлардан ёрдамга ўтиш машғулотларида белгиланган вазифаларни ўзлаштиришди.

Шунингдек, куннинг иккинчи ярмида ўзбек–беларусь ҳарбийлари экстремал шароитларда яшовчанлик машғулотлари бўйича ўзларининг амалий кўникмаларини намойиш этди. Меҳмон ҳарбийлар Ватанимиз ҳимоячилари томонидан ясалган тузоқлар, бир ва бир неча кунлик бошпаналарни ўзлаштириш баробарида, ўз тажрибалари билан ҳам ўртоқлашишди.

Ҳамкорликдаги ўқув машғулотлари юқори кайфият ва дўстона муносабатда давом этмоқда. Эртага, 23 май куни машғулотларнинг асосий қисми бўлиб ўтади.

Мудофаа вазирлиги матбуот хизмати

Шарҳлар

Сирдарёдан махсус репортаж: Халқ артистлари халқ хизматига келди… (Фото)

23.05.2020, 12:43

Бугун кўнгилларни обод қиламан деган ҳар кимнинг йўли Сирдарё вилоятига туташиши аниқ. Техноген офат чин маънода бутун миллатни оёққа турғизди, бир тан-у бир жон бўлишга...
Президент Сардобада: 1480 хонадондан иборат 37 та уйнинг пойдеворига тамал тоши қўйилди (фото ва видео)

15.05.2020, 14:27

 Ўзбекистон Республикаси Президенти Шавкат Мирзиёев 15 май куни Сирдарё вилоятига келди.Маълумки, жорий йил 1 май куни Сардоба сув омбори тўғонининг бир қисми ўпирилиб, ёндош туманлардаги...
Шимоли-ғарбий ҳарбий округ ҳарбийлари сирдарёликларга ёрдам беришни бошлади (Фото)

05.05.2020, 12:22

3 май куни Шимоли-ғарбий ҳарбий округдан 300 нафардан ортиқ ҳарбий хизматчилар ҳамда 20 га яқин ҳарбий ва махсус техника Сирдарё вилоятининг Сардоба сув омборида содир...
Қашқадарёда фотоқопқонга тушган қор қоплонининг суратлари эълон қилинди

29.04.2020, 12:46

Қашқадарё вилояти Ҳисор давлат қўриқхонасига  ўрнатилган фотоқопқонга қор қоплонининг ноёб кадрлари тушиб қолди.Қор қоплони Ўзбекистоннинг юқори қор тизмаларида яшовчи жонивор бўлиб, сайёрадаги ҳайвонот оламининг камёб турларидан бири...
Кун мавзуси: коронавирус
Об-ҳаво: Ташкент
+29° ясно
Валюта курси
10139.30
USD 9.74
11051.84
EUR 96.72
141.35
RUB 3.81