Венгрия пойтахти Будапештдаги Дунай дарёсида икки кеманинг тўқнашуви натижасида бедарак йўқолган одамларни қидириш ишлари давом этмоқда, дея хабар берди РИА Новости нашри.
Жанубий кореялик сайёҳларнинг жасадларини излаш учун операцияга Кореядан ҳам ҳарбийлар келиб қўшилди. Воқеа содир бўлган ҳудуддан 100 км узоқликда сайёҳларнинг биринчи жасади топилгани хабар қилинмоқда. Мазкур ҳолат юзасидан қўлга олинган кема капитани эса 50 минг евро гаров пули эвазига озод этилиши мумкин.
