Долзарб мавзулар Фото

Марказий ҳарбий округда ёш танкчилар билан тунги ва кундузги отиш машғулоти ўтказилди (Видео)

Бўлимлар: ЖАМИЯТ
Теглар: Видео
Добавлено: 16.08.2019, 16:15

Кеча, 15 август куни Марказий ҳарбий округ ҳарбий қисмларида хизмат қилаётган ёш танкчилар билан Ўзбекистондаги биринчи рақамли «Каттақўрғон» полигонида кундузги ва тунги нишонларга ўқ отиш машғулоти ўтказилиб, жанговар техникаларда тактик ҳаракатлар амалга оширилди. Бу ҳақда Марказий ҳарбий округ матбуот хизмати маълум қилди.

Кундузги ва тунги нишонларга ўқ отиш машғулотида жорий йилда муддатли ҳарбий хизматни тугатиб, шартнома бўйича хизматга қолган ёш танкчилар Т-72 жанговар танкига ўрнатилган ствол ҳамда 14,5 ммли пулемётидан машқ бажаришди.

Шунингдек, ёш ҳарбийлар ўқув йиғини давомида дала майдонида жанговар техникани моҳирона бошқариш, отиш, техник хизмат кўрсатиш ва бошқа ҳарбий фанлар бўйича амалий кўникмага эга бўлишмоқда.

Маълумот ўрнида, 2Х35 маркали кичик калибрли ўқ отар қуроли Т-72 жанговар танкидаги асосий 125 ммли тўп ичига ўрнатилиб, ўқ-дори кам сарфлаб, самарали отишни ўргатишдан иборат. Ушбу босқичдан сўнг асосий тўпдан амалий отиш машқлари ўтказилади.


Google+
WhatsApp
VK
Telegram

Комментарии