42

Ўзбекистон ҳарбийлари арқон тортишда тенгсиз эканини исботлади (Видео)

ЖАМИЯТ 15.09.2019, 13:17
Теги: Видео
171
Ўзбекистон ҳарбийлари арқон тортишда тенгсиз эканини исботлади (Видео)

“Марказ-2019” стратегик қўмондонлик-штаб ўқуви доирасида ўқув-амалий машқларни бажариш мақсадида ҳарбий хизматчиларимиз Россия мудофаа вазирлигидан жанговар ва ҳарбий техника ҳамда ўқ отиш қуролларини вақтинчалик қабул қилиб олди. Вақтинчалик фойдаланишга олинган қурол-аслаҳа ва техникаларга кунлик техник хизмат кўрсатиб келиняпти. Барча техникаларга Ўзбекистон байроғи ўрнатилди.

Ҳарбий хизматчиларимиз тактик ҳаракатларни амалга ошириш, синов машғулотларида иштирок этиш билан бир қаторда ўзларининг жисмоний тайёргарлигини ҳам ошириб бормоқда. Эрта тонгдан олиб борилаётган жисмоний тайёргарлик машғулотлари ҳамюртларимизни ўтказилиши режалаштирилган ҳарбий машғулотларга ҳар томонлама тобламоқда.

Таъкидлаш керакки, “Донгуз” полигони жойлашган ҳудуд юртимиз иқлимига анча яқин экан. Вақт мезони ҳам бир хил. Шу боис бу ерда бўлиб турган ҳарбийларимиз ҳеч қандай ноқулайликларга дуч келмаяпти.

Ҳарбий хизматчиларнинг бўш вақтини мазмунли ўтказиш, хориж мамлакат армиялари билан ўзаро дўстлик алоқаларини мустаҳкамлаш учун ўқув машғулотлари доирасида бир қатор спорт турлари бўйича мусобақалар ўтказилди.

Мини-футбол бўйича ўтказилган мусобақада ҳамюртларимиз мезбонлардан кейин иккинчи ўринни қўлга киритди. Тош кўтаришда тўртинчи поғонани банд этган юртдошларимиз арқон тортишда пешқадам бўлди. Финалда мусобақанинг энг кучли жамоаси дея эътироф этилган россиялик ҳарбийлар билан дуч келган вакилларимиз кучли ирода ва ғалабага бўлган қатъий ишонч туфайли қўли баланд келди.

Шунингдек, “Донгуз” полигонида Ўзбекистон маданияти куни байрами нишонланди. Ўқувларда иштирок этаётган ҳарбий хизматчилар томонидан ташкил этилган ва миллий ашула ва рақслардан иборат концерт дастури йиғилганларни даврага чорлади. Дала ошхонаси ҳам шу куни ўзининг ҳақиқий қудратини намоён этди. Ўқочда пишган миллий таомимиз – ош ҳамманинг тилида бўлди. “Ўзбеклардек ошни ҳеч ким пишира олмайдида аслида”, – дейишди иштирокчилар.

Бугун, 15 сентябрь куни “Марказ-2019” ўқув машғулотининг тантанали очилиш маросими бўлиб ўтади. Унда иштирок этаётган ҳарбий контингентлар ҳамда ҳарбий техникалар марш билан ўтишади.

Эслатиб ўтамиз, “Марказ-2019” ўқув машғулоти доирасида Россияда бўлиб ўтадиган амалий ҳаракатлар билан бир вақтда Наманган вилоятида жойлашган “Ғурумсарой” полигонида Ўзбекистон ва Тожикистон ҳарбий бўлинмалари томонидан шартли равишда жанубий сарҳадларга суқулиб кирган террорчи гуруҳларга қарши ҳамкорликдаги ўқув машғулоти ҳам ўтказилади.

Мудофаа вазирлиги Ахборот ва оммавий коммуникациялар департаменти


Комментарии

Нукусда юқори синф ўқувчилари ўртасида янгича ҳарбий-спорт эстафетаси ўтказилди (Видео)

21.10.2019, 09:37

Разведкачиларнинг тўсиқли йўлагини енгиш, гранатани габаритга тушуриш, нишонларга қарата пневматик милтиқдан ўқ узиш ва яна бир қанча синовларга бой бўлган янгича ҳарбий мусобақанинг илк ғолиблари...
Қашшоқлик чегараси юқори бўлган Европа Иттифоқи мамлакатлари маълум бўлди (Видео)

18.10.2019, 17:17

Европа статистика агентлиги маълумотларига кўра, ҳар бешинчи европалик ёки бўлмасам 109 миллион киши ижтимоий изоляция ҳолатига ёки қашшоқлар қаторига тушиб қолиш хавфи остида турибди. Бу...
Филиппин аҳолиси кучли зилзиладан ваҳимага тушди (Видео)

18.10.2019, 17:03

Филиппинда кучи деярли 6,5 баллга тенг бўлган зилзила рўй берди. Ҳодиса аҳоли ўртасида ваҳима келиб чиқишига сабаб бўлди. Ер ости силкинишлари мамлакатнинг Минданао оролида қайд этилган....
Умра зиёратини амалга ошираётган зиёратчилар учраган ЙТҲнинг видеоси эълон қилинди (Видео)

18.10.2019, 16:52

Саудия Арабистонида 39 нафар зиёратчини олиб кетаётган автобус иштирокида йирик йўл транспорт ҳодисаси рўй берди.Мамлакат ОАВ хабарларига кўра, автобус юк автомобили билан тўқнашиб кетиши ортидан...
Тема дня: Фото
Погода: Ташкент
+20° пасмурно
Курсы валют
9448.53
USD -6.71
10553.06
EUR 114.48
147.70
RUB 0.45
rightuz