my5
Sevimli

Фоторепортаж: Мудофаа вазирлиги ҳарбийлари “Ҳумо арена”да (Фото)

ЖАМИЯТ 21.09.2019, 10:08
Теглар: Фото
Фоторепортаж: Мудофаа вазирлиги ҳарбийлари “Ҳумо арена”да (Фото)

Тошкент шаҳридаги муҳташам “Ҳумо арена” мажмуасида “Ватанга қасамёд” матни моҳиятини ёшлар орасида кенг тарғиб этиш мақсадида “Ўзбекистон Республикасига садоқат билан хизмат қиламан!” шиори остида маънавий-маърифий тадбир ўтказилди.

Унда Мудофаа вазирлиги ҳузуридаги Жамоатчилик кенгаши ҳамда Ўзбекистон ёзувчилар уюшмаси аъзолари, таниқли маданият ва санъат усталари, Қуролли Кучлар фахрийлари билан бир қаторда Тошкент шаҳар мудофаа ишлари бошқармаси, Тошкент гарнизонида жойлашган ҳарбий қисм, муассасалар ҳарбий хизматчилари ва уларнинг оила аъзолари, курсантлар, мактаб ўқувчилари ва чақириққа қадар бошланғич тайёргарлик фани ўқитувчилари иштирок этди.

Ўзбекистон Республикасининг 2019 йил 5 сентябрдаги “Хавфсизлик ва мудофаа соҳасидаги қонун ҳужжатлари такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонунининг 3-моддасига мувофиқ, “Ватанга қасамёд” матни мазмун-моҳиятини кенг тарғиб этиш орқали ёш авлодни ҳарбий-ватанпарварлик руҳида тарбиялаш, маънавиятини юксалтириш
ва уларнинг бўш вақтини мазмунли ташкил этишга алоҳида эътибор қаратилмоқда.

Тадбирда сўзга чиққан Мудофаа вазирлиги ҳузуридаги Жамоатчилик кенгаши раиси ўринбосари Мажид Умаров, мазкур кенгаш аъзоси, кинорежиссёр Ҳилол Насимов, Ўзбекистон ёзувчилар уюшмаси раисининг ўринбосари Нодир Жонузоқ ва бошқалар “Ватанга қасамёд” матни янада такомиллашиб, мазмунан бойиганини алоҳида таъкидлади.

Мудофаа вазирлиги тарбиявий ва мафкуравий ишлар бош бошқармаси ташаббуси билан ўтказилган тадбирда Қуролли Кучлар марказий ашула ва рақс ансамбли концерт дастури билан иштирок этди.

Қуролли Кучлар академияси курсантлари “Ватанга қасамёд” матнини ўқиб эшиттиргач, академиянинг фахрий қоровул ва ҳарбий оркестр жамоалари ўзига хос кўргазмали чиқишларни намойиш этди. Тошкент ҳарбий округи тасарруфидаги ҳарбий қисм ҳарбий хизматчилари қўл жанги усуллари йиғилганларда катта таассурот қолдирди.

Мудофаа вазирлиги Ахборот ва оммавий коммуникациялар департаменти

Шарҳлар

Қайроққум сув омбори бузилиб кетгани ҳақидаги хабар юзасидан Сув хўжалиги вазирлиги баёнот берди

15.01.2021, 10:08

Аввал хабар қилганимиздек, жорий йилнинг 14 январь куни ярим тунда ижтимоий тармоқларда Тожикистон ҳудудида жойлашган “Баҳри тожик” (Қайроққум) сув омбори ёрилиши натижасида сув тошқини содир...
Қайроққум сув омбори бузилиб кетгани ҳақидаги хабар ортидан сирдарёликлар уйларини тарк эта бошлади. Вилоят ҳокими ярим тунда етиб борди (фото)

15.01.2021, 08:32

Сал аввал хабар қилганимиздек, 2021 йил 14 январь куни ярим тунда ижтимоий тармоқлар орқали Тожикистон Республикаси ҳудудида жойлашган Қайроққум сув омборининг ёрилиши натижасида сув тошқини...
Екатеринбург ҳибсхонасида сақланаётган муҳожирлар исён кўтарди

14.01.2021, 20:39

Бугун, 14 январь куни Россиянинг Екатеринбург шаҳрида хорижий фуқароларни вақтинча сақлаш марказида исён юз берди. Воқеага ИИВ, ОМОН бўлинмаси ва Россия Миллий гвардияси вакиллари аралашиб,...
Тошкентда “Ким Ватанга содиқ бўлса, мендирман ўша!” шиори остида ҳарбий-ватанпарварлик фестивали ўтказилмоқда

13.01.2021, 16:33

Тошкент шаҳридаги “Халқлар дўстлиги” санъат саройи олдидаги майдонда Ватан ҳимоячилари куни муносабати билан “Ким Ватанга содиқ бўлса, мендирман ўша!” шиори остида ҳарбий-ватанпарварлик фестивали пойтаxтимиз меҳмонлари,...
Кун мавзуси: коронавирус
Об-ҳаво: Ташкент
+11° переменная облачность
Валюта курси
10500.81
USD 27.61
12682.88
EUR -113.28
142.66
RUB 1.37