Му5
8

Мудофаа вазирлиги илк бор ўтказган «Разведка рейди» мусобақаси ғолиблари аниқланди (Видео)

ЖАМИЯТ 05.10.2019, 11:43
Теглар: Видео
993
Мудофаа вазирлиги илк бор ўтказган «Разведка рейди» мусобақаси ғолиблари аниқланди (Видео)

Мудофаа вазирлиги разведкачилари ўртасида илк бор «Разведка рейди» мусобақаси ўтказилди. Жиззах вилоятида жойлашган «Фориш» тоғ-дала ўқув майдонида разведка бўлинмалари ўртасида ўтказилган мазкур мусобақада вазирликнинг барча ҳарбий округ ҳамда олий ҳарбий таълим муассасаларидан жами 11 та жамоа иштирок этди.

Мазкур мусобақа уч босқичда ўтказилди. Дастлаб, ҳарбий қисм, сўнгра ҳарбий округ миқёсида ғолиб бўлган жамоалар якуний босқичда иштирок этиш имкониятини қўлга киритди. Якуний босқичда эса улар 10 та шарт бўйича ўзаро беллашди.

Дастлаб гуруҳларнинг белгиланган ҳудудга чиқиш ва жанговар вазифани бажаришга шайлиги кўздан кечирилгач, ҳарбий хизматчилар 7,5 километрлик масофага оғирлиги 35 килограмга яқин бўлган юк қопи билан марш юрди. Машғулот шартига кўра, ҳар бир жамоа юқори қўмондонликдан берилган махсус вазифаларга асосан шартли душман жойлашган ҳудудни аниқлаш ва қарор ишлаб чиқиш вазифаларини бажарди.

Шунингдек, марш юриш давомида миналаштирилган йўлаклардан беталофат одимлаш, жангда яраланган ҳарбий хизматчига биринчи тез тиббий ёрдам кўрсатиш ва уни бир ярим километр масофага эвакуация қилиш синовларидан ўтди. Беморга жгут, боғлов, оғриқ қолдирувчи укол ва шина қўйишда жамоалардаги фельдшернинг маҳорати яққол намоён бўлди. Шундан сўнг уч километр узоқликдаги жойлашув ҳудудига етиб бориш, у ерда қўриқлов ўрнатиш ва гуруҳ шахсий таркибига вақтинчалик яшаш жойини ҳозирлаш, дала шароитидан келиб чиққан ҳолда, зарур имкониятлар яратиш сингари шартларни муваффақиятли адо этди.

Жамоаларнинг ҳар бир ҳаракати Мудофаа вазирлиги масъул офицерларидан тайинланган ҳакамлар ҳайъати томонидан холисона баҳолаб борилди.

Саккиз кун давом этган мусобақада иштирокчилар учун шартлар босқичма-босқич оддийдан мураккаблашиб борди.

Реал жанговар вазиятларга яқинлаштирилган ҳолда ўтказилаётган мусобақа доирасида ҳарбий хизматчилар азимут бўйича ўн километр масофага ҳаракатланиш, кимёвий зарарланган ҳудудлардан ҳимояланиш, руҳий тайёргарлик йўлакларидан ўтди.

Шу тариқа қизғин баҳс ва мунозараларга бой тарзда кечган мусобақа ўз ниҳоясига етди. Якуний натижаларига кўра, биринчи ва иккинчи ўринларни Марказий ҳарбий округ қўшинларига қарашли жамоалар қўлга киритган бўлса, учинчи ўрин Жануби-ғарбий махсус ҳарбий округ жамоасига насиб этди. Ғолибларга диплом, кубок, медал ва пул мукофотлари тантанали равишда топширилди.

Мудофаа вазирлиги Ахборот ва оммавий коммуникациялар департаменти


Шарҳлар

Самарқандда бир лаган ош устида бошланган тортишув пичоқбозликка айланди (Видео)

21.02.2020, 16:44

Самарқандда тўй азага айланишига бир баҳя қолди. Қашқадарё вилоятида туғилган 35 ёшли фуқаро тўйга бориб, у ерда бир лаган ош учун таниши билан жанжаллашиб қолади....
Янгийўлда микроавтобус ёниб кетди (Видео)

21.02.2020, 14:43

Жорий йилнинг 19 феврал куни соат 03:00 ларда Янгийўл шаҳар, Самарқанд кўчасида жойлашган автошоҳбекатда ҳайдовчи Ф.М. ўзига тегишли бўлган “Истана” русумли микроавтобусда йўловчиларсиз ўз навбатини...
Фойдаланилмаётган томорқалар қайтариб олинадими? (Видео)

19.02.2020, 15:31

Ўзбекистон фермер, деҳқон ва томорқа эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси аҳоли даромадини оширишга хизмат қилувчи масалалар юзасидан матбуот...
Шаҳрисабз тумани ҳокимлиги ҳуқуқшуноси экани айтилаётган шахс фермерни «тепиб ҳайдади» (Видео 18+)

15.02.2020, 15:16

Бугун норасмий телеграм каналлари ва ижтимоий тармоқларда Шаҳрисабз тумани ҳокимлиги ҳуқуқшуноси экани айтилаётган шахс билан боғлиқ видео тарқалди.Видеода фермерни ҳуқуқшунос тепиб ҳокимият биносидан ҳайдаб юборгани...
Кун мавзуси: Фото
Об-ҳаво: Ташкент
+8° облачно с прояснениями
Валюта курси
9528.49
USD -10.67
10319.35
EUR -119.35
150.07
RUB 1.3
rightuz