Му5
48

Почта жўнатмалари орқали юборилган марихуана манзилга етиб бормади

ЖИНОЯТ 09.11.2019, 11:04
251
Почта жўнатмалари орқали юборилган марихуана манзилга етиб бормади

Халқаро почта Конвенциясига асосан, почта жўнатмалари орқали психотроп ва наркотик воситаларнинг юборилиши қатъиян тақиқланган. Ўзбекистон Республикаси “Гиёҳвандлик воситалари ва психотроп моддалар тўғрисида”ги Қонунининг 17-моддасида гиёҳвандлик воситалари, психотроп моддалар ва прекурсорларни почта жўнатмаларида, шу жумладан халқаро почта жўнатмаларида жўнатиш тақиқланиши кўрсатиб ўтилган.

Аммо шунга қарамай, почта жўнатмалари орқали қонунга хилоф равишда таркибида психотроп моддалар мавжуд бўлган дори воситаларини ҳамда наркотик моддаларни жўнатиш ҳолатлари учраб турибди.

Яқинда Тошкент шаҳар божхона бошқармасининг  “Бош почтампт” ташқи иқтисодий фаолият божхона пости ходимлари шу турдаги қоидабузарликни фош қилишди. Бу ҳақда Давлат божхона қўмитаси ахборот хизмати хабар бермоқда

Жумладан, фуқаролар Х.Н., Т.А. ва А.Ф.лар номига хориждан юборилган почта жўнатмалари божхона назоратидан ўтказилганида,  божхона декларациясида кўрсатилмаган,  150 дона таркибида психотроп моддалари мавжуд бўлган дори воситалари борлиги аниқланди.

Шунингдек, фуқаро У.Т. номига юборилган почта жўнатмасида дона “Марихуана” ўсимлигининг уруғлари борлиги ҳам маълум бўлди.

Ҳозирда мазкур ҳолатлар юзасидан божхона органлари томонидан суриштирув ҳаракатлари давом эттирилмоқда.

Шарҳлар