my5

Бухорода 115 нафар шахслар жазони ўташдан муддатидан илгари шартли озод қилинган (Фото)

ЖАМИЯТ 15.12.2019, 02:42
1040
Бухорода 115 нафар шахслар жазони ўташдан муддатидан илгари шартли озод қилинган (Фото)

Аввал хабар берганимиздек, Ўзбекистон Республикаси Олий суди, АҚШ Халқаро тараққиёт агентлиги (USAID) ва БМТ Тараққиёт дастурининг “Ўзбекистонда қонун устуворлиги йўлида ҳамкорлик” қўшма лойиҳаси доирасида маҳаллий ва хорижий ОАВлари иштирокида пресс—тур ўтказилди...

Пресс—тур сафаридаги сўнгги манзил эса Бухоро вилояти бўлди. Бухоро вилоятидаги илк ташрифимиз Бухоро туман суди фаолияти билан танишишдан бошланди. 

Пресс—тур иштирокчиларини Жиноят ишлари бўйича Бухоро вилоят Бухоро туман суди раиси Нозимжон Жўраев, Бухоро вилоят Бухоро туман маъмурий суди раиси Завқиддин Музаффаров ва судьялар қарши олишди.

“АРХИВ ҲУЖЖАТЛАРИНИ САҚЛАШДА ХАВФСИЗЛИК ДАРАЖАСИ ЮҚОРИ БЎЛГАН АРХИВ ХОНАЛАРИ ҲАМ ТАШКИЛ ЭТИЛДИ”

Таъкидлаш жоиз, Жиноят ишлари бўйича Бухоро туман ва Бухоро туман маъмурий суди биноси Президентимиз ва Олий суд раҳбариятининг ташаббуси билан замонавий суд биноси манзилли инвестиция дастури асосида 3 миллиард 900 миллион сўм маблағ эвазига қурилган.

Завқиддин Музаффаров, Бухоро вилоят Бухоро туман маъмурий суди раиси:

- Биноимизда фуқароларни кутиб туриши ва уларни қабул қилиш учун барча шароитлар яратилган.

Хусусан, фуқаролар ва аризаларни қабул қилиш, тиббиёт хоналари, адвокат ва прокурор учун алоҳида хоналар мавжуд.

Суд раислари ва суд аппарати ходимлари фаолият юритиши учун алоҳида хоналарнинг мавжудлиги иш самарадорлигини янада оширишга хизмат қилади.

Суд зали энг замонавий русумдаги “видеоконференцалоқа режими”да суд мажлиси ўтказиш ускуналари билан жиҳозланган. Бу эса суд процесси иштирокчиларини Бухоро туманидан бошқа ҳудуддаги судларга пул маблағлари ва асосийси қимматли вақтини сарфлаб бориб юрмаслигини таъминлайди. 

Шунингдек, архив ҳужжатларини сақлашда хавфсизлик даражаси юқори бўлган архив хоналари ҳам ташкил этилган. Суд ходимларининг билими ва ишчанлик кўникмасини ошириш учун кутубхона ҳам мавжуд.

Ашёвий далилларни сақлаш хонаси, замонавий локал алоқа тармоғи ва оптик толага уланган сервер хонаси, замонавий иситиш ва совутиш тизимлари, видео кузатув, ёнғинга қарши курашиш ва қўриқлаш хавфсизлик тизимлари билан таъминланган.

Шу ўринда Республика маъмурий судларининг 2019 йил 9 ойлик фаолиятидаги маълумотлар билан ҳам қизиқдик.

Холмўмин Ёдгоров, Ўзбекистон Республикаси Олий суди раисининг ўринбосари:

- Қорақалпоғистон Республикаси, вилоятлар, Тошкент шаҳар, туман (шаҳар) маъмурий судларида жами 278 та судьялик лавозими штатлари ажратилган. Бугунги кунда 258 нафар судьялар фаолият кўрсатмоқда. 20 нафар судьялик лавозими вакант.

2019 йилнинг 9 ойида маъмурий судларда жами 324 481 та иш ва материаллар кўриб тамомланган. Шундан:

  • 345 159 нафар шахсга нисбатан 286 772 таси маъмурий ҳуқуқбузарлик тўғрисидаги ишлар.
  • 12 159 таси оммавий-ҳуқуқий муносабатлардан келиб чиқадиган маъмурий ишларга оид ариза ва шикоятлар.
  • 25 550 тасини материаллар ташкил этган.

 

Мазкур даврда оммавий-ҳуқуқий муносабатлардан келиб чиқадиган маъмурий ишларга оид жами 12 159 та ариза (шикоят)лар кўриб тамомланган. Яъни:

  • Маъмурий орган, фуқаролар ўзини ўзи бошқариш органининг қарорини ҳақиқий эмас деб топишга оид 4 784 та ишлар (1 342 таси сайёр суд мажлисида) кўрилган. Шундан 2 948 таси қаноатлантирилган, 1 335 таси рад этилган, 137 таси кўрмасдан қолдирилган, 364 таси тугатилган.
  • Маъмурий орган, фуқаролар ўзини ўзи бошқариш органи мансабдор шахсларининг ҳаракати (ҳаракатсизлиги)ни қонунга хилоф деб топишга оид 5 173 та ишлар (1 944 таси сайёр суд мажлисида) кўрилган. 4 072 таси қаноатлантирилган, 687 таси рад этилган, 133 таси кўрмасдан қолдирилган, 281 таси тугатилган.
  • Сайлов комиссиясининг қарорини ҳақиқий эмас деб топишга оид 69 та ишлар (8 таси сайёр суд мажлисида) кўрилган. 30 таси қаноатлантирилган, 32 таси рад этилган, 1 таси кўрмасдан қолдирилган, 6 таси тугатилган.
  • Сайлов комиссиясининг хатти-ҳаракатини қонунга хилоф деб топишга оид 31 та ишлар (1 таси сайёр суд мажлисида) кўрилиб, 12 таси қаноатлантирилган, 17 таси рад этилган, 2 таси тугатилган;
  • Нотариал ҳаракатни амалга оширишни рад этганлик устидан 17 та ишлар (3 таси сайёр суд мажлисида) кўрилган. 8 таси қаноатлантирилган, 8 таси рад этилган, 1 таси тугатилган.
  • Фуқаролик ҳолати далолатномаларини ёзишни рўйхатга олиш рад этилганлигига оид 85 та ишлар (18 таси сайёр суд мажлисида) кўрилган. 60 таси қаноатлантирилган, 15 таси рад этилган, 3 таси кўрмасдан қолдирилган, 7 таси тугатилган.
  • Нотариуснинг ҳаракати (ҳаракатсизлиги)ни қонунга хилоф деб топишга оид 44 та ишлар кўрилган. 22 таси қаноатлантирилган, 15 таси рад этилган, 2 таси кўрмасдан қолдирилган, 5 таси тугатилган.
  • Фуқаролик ҳолати далолатномаларини ёзиш органи мансабдор шахсларининг ҳаракати (ҳаракатсизлиги)ни қонунга хилоф деб топишга оид 487 та ишлар (74 таси сайёр суд мажлисида) кўрилган. 395 таси қаноатлантирилган, 60 таси рад этилган, 8 таси кўрмасдан қолдирилган, 24 таси тугатилган.
  • Давлат рўйхатидан ўтказишни рад этганликка оид 143 та ишлар (21 таси сайёр суд мажлисида) кўрилган. 63 таси қаноатлантирилган, 58 таси рад этилган, 5 таси кўрмасдан қолдирилган, 17 таси тугатилган.
  • Белгиланган вақтда давлат рўйхатидан ўтказишдан бўйин товлаганликка оид 18 та ишлар (2 таси сайёр суд мажлисида) кўрилган. 6 таси қаноатлантирилган, 6 таси рад этилган, 2 таси кўрмасдан қолдирилган, 4 таси тугатилган.

Маъмурий судлар томонидан МИБга жами 194,09 млрд.сўмлик 114 457 та ижро варақалари ижро учун юборилган.

Давлатга жарима ундириш тўғрисидаги ижро варақалари 1 263 090 725 сўмлик 2 000 тани ташкил этган.

“96 ТА ЖИНОЯТ ИШИДАН 39 ТАСИ САЙЁР СУД МАЖЛИСЛАРИДА КЎРИБ ЧИҚИЛДИ”

Бухоро туман судига ташрифимиз давомида Жиноят ишлари бўйича Бухоро вилоят Бухоро туман суди раиси Нозимжон Жўраев билан суҳбатда бўлиб, 2019 йилнинг 11 ойида жами кўрилган ишлар статистикаси билан қизиқдик...

- Жиноят ишлари бўйича Бухоро туман суди томонидан 2019 йилнинг 11 ойида жами 117 нафар шахсга нисбатан 96 та жиноят иши кўрилган. Шундан 91 нафар шахсга нисбатан 72 та жиноят иши бўйича айблов ҳукми чиқарилган. 26 нафар шахсга нисбатан эса 26 та жиноят иши томонларнинг ўзаро ярашганлиги муносабати билан тугатилган.

Жами судланган 91 нафар шахснинг:

  • 13 нафари ёки 14 фоизига жарима,

26 нафари ёки 28.7 фоизига ахлоқ тузатиш ишлари,

  • 27 нафари ёки 29.7 фоизига озодликни чеклаш,
  • 22 нафари ёки 24.7 фоизига озодликдан маҳрум қилиш жазолари тайинланган,
  • 1 нафар шахс ёки 1,9 фоизи шартли ҳукм қилинган.

Мазкур даврда туман суди томонидан 1 нафар шахсга нисбатан 1 та жиноят иши бўйича оқлов ҳукми чиқарилган.

Ушбу даврда вояга етмаган 2 нафар шахсга нисбатан 2 та жиноят иши кўриб чиқилган. 1 нафар шахсга нисбатан ахлоқ тузатиш ишлари, 1 нафар вояга етмаган шахсга нисбатан озодликни чеклаш жазоси тайинланган.

Жорий йилда 10 нафар аёлларга нисбатан 10 та жиноят иши кўриб чиқилган. 9 нафар шахсга нисбатан 9 та жиноят ишлари бўйича айблов ҳукми чиқарилган, 1 нафар шахсга нисбатан 1 та жиноят иши тугатилган.

60 ёшдан ошган 5 нафар шахсга нисбатан 5 та жиноят иши кўриб чиқилган. Шундан 2 нафарига жарима, 2 нафарига озодликни чеклаш жазоси, 1 нафар шахсга нисбатан озодликдан маҳрум қилиш жазоси тайинланган.

- Жиноят ишларининг неча фоизи сайёр суд мажлисларида кўрилган?

- 2019 йилнинг 11 ойида туман суди томонидан жами кўриб чиқилган 96 та жиноят ишидан 39 таси ёки 39,80 фоизи сайёр суд мажлисларида кўриб чиқилган.

Ушбу даврда жиноятнинг сабабларини ва унинг содир этилишига имкон берган шарт-шароитларни бартараф қилиш тўғрисида 63 та ёки ишларнинг 64,29 фоизи бўйича хусусий ажримлар чиқарилган.

- Самарқанд вилоятининг Тойлоқ туман судида бўлганимизда, 5 нафар судланувчининг жазосининг қолган қисмини ўташдан шартли равишда озод қилинганига гувох бўлдик. Жиноят ишлари бўйича Бухоро вилоят Бухоро туман судида ҳам муддатидан илгари шартли озод қилинганлар борми?

- Албатта, суд томонидан жазони ўташ қоидаларига риоя қилган, яшаш жойи ва жазони ўташ жойларида ижобий тавсифланган, қилмишидан пушаймон, меҳнатга ҳалол муносабатда бўлган жами 115 нафар шахслар жазони ўташдан муддатидан илгари шартли озод қилинган. Шундан 48 та материал сайёр суд мажлисида кўриб чиқилган.

 

Садоқат АЛЛАБЕРГАНОВА, Бухоро вилояти

Шарҳлар

Кун мавзуси: коронавирус
Об-ҳаво: Ташкент
+13° переменная облачность
Валюта курси
10321.21
USD 5.59
12003.57
EUR -207.03
132.07
RUB -4.21