Қор бўрони туфайли Ақтўбе ва Нур-Султон шаҳарларида йўллар ёпилди, деб хабар бермоқда “Kazinform” халқаро ахборот агентлиги хабарига таянган ҳолда Human.uz нашри .
Пойтахт ФВД маълумотларига кўра, бугун, 17 январь куни тонгда шамол тезлиги секундига 15 метргача етган.
Шу муносабат билан пойтахтдан чиқувчи барча йўллар ёпилган. Ақтўбеда Шимолий айланма йўл, Самара-Чимкент трассасининг Бекқул бобо овулидан Қарабутоқ овулигача бўлган қисми, шунингдек Ақтўбе-Орск йўналиши барча турдаги транспорт воситалари учун ёпилган.
Синоптиклар маълумотига кўра, Ақтўбеда қор бўрони кутилмоқда, йўллар музлаган.
