Му5
5

2019 йилда иқтисодий судлар томонидан даъвогарлар фойдасига 11,7 трлн. сўм ундирилиши белгиланди

ИҚТИСОДИЁТ 22.01.2020, 17:30
Теглар: суд, иқтисод
930
2019 йилда иқтисодий судлар томонидан даъвогарлар фойдасига 11,7 трлн. сўм ундирилиши белгиланди

Ўтган 2019 йил мобайнида иқтисодий судлар томонидан 197 291 та иш кўриб чиқилиб, ҳал этилди. Шундан даъвогарлар фойдасига 11,7 трлн. сўм ундириш ҳақида суд қарорлари қабул қилинди. Бу ҳақда Ўзбекистон Республикаси Олий суди матбуот хизмати раҳбари маълум қилди.

Хабарда айтилишича 2019 йилда кўрилган ишлар сони 2018 йилга нисбатан 51 фоизга камайган.. 

Ўтган даврда энг кўп иқтисодий ишлар Тошкент шаҳар, Сурхондарё, Қашқадарё, Самарқанд ва Андижон вилоятлари иқтисодий судлари томонидан кўриб, ҳал этилган.

Тарафларга қулайликлар яратиш ҳамда суд таъсирчанлигини ошириш мақсадида низо тартибида кўрилган ишларнинг асосий қисми, яъни 126 678 таси бевосита сайёр суд мажлисларида кўриб чиқилган.

Ишларнинг 3 676 таси видеоконференцалоқа режимида кўриб чиқилгани натижасида тарафларнинг 2,4 млрд. сўмдан зиёд маблағлари тежаб қолинди.

Бу жараёнда кичик бизнес ва хусусий тадбиркорлик субъектларини ҳуқуқий ҳимоя қилишга оид 31 948 та иқтисодий иш кўриб чиқилган ва улар фойдасига 1,3 трлн. сўм маблағ ундириб берилган.

Ҳисобот даврида иқтисодий судларда кўрилган ишларнинг асосий қисмини контрактация, маҳсулот етказиб бериш, кредит, коммунал ва ҳақ эвазига хизмат кўрсатиш шартномаларидан келиб чиқадиган низолар бўйича ишлар ташкил этди.

Бундан ташқари, Ўзбекистон Республикаси Олий суди Иқтисодий ишлар бўйича судлов ҳайъати томонидан назорат тартибида 675 та шикоят ва протестлар кўриб чиқилди. Қуйи судлар томонидан чиқарилган 345 та қарор бекор қилинди ва 115 та суд қарорлари ўзгартирилди.

Шарҳлар

Кун мавзуси: Фото
Об-ҳаво: Ташкент
+1° снегопад
Валюта курси
9528.49
USD -10.67
10319.35
EUR -119.35
150.07
RUB 1.3
rightuz