Коронавируснинг яширин даври 14 кун эмас, айрим ҳолларда бундан ошиқроқ, кўпи билан 24 кунни ташкил этиши мумкин. Маълумки аввал бу вируснинг юзага чиқиш даври 14 кун дейилиб келинган.
Бу ҳақда махсус тадқиқот гуруҳи аъзоси Гуань Вэйцзе “Хунсин Синьвэнь” нашрига маълум қилган.
Маълумот матнида мамлакатнинг 31 маъмурий ҳудудидан олинган тасдиқланган вируснинг 1099 намунаси таҳлили натижасига кўра, вирусга чалинишдаги яширин давр 3 кундан бошланиб, фақат айрим ҳоллардагина 24 кунгача давом этиши мумкинлиги қайд этилган.
“24 кунлик давр ҳозирча фақатгина бир ҳолатда кузатилди”, деб таъкидлади Гуань Вэйцзе.
