Сирдарё вилояти ҳокими бугунги фожиа сабаб, оила-аъзоларидан айрилган 18 ёшли қизни ўз оталиғига олди

ЖАМИЯТ 17.02.2020, 17:51
4247
Сирдарё вилояти ҳокими бугунги фожиа сабаб, оила-аъзоларидан айрилган 18 ёшли қизни ўз оталиғига олди

Бугун Сирдарё вилояти Оқолтин тумани Сардоба шаҳарчаси “Кўркам диёр” маҳалласи “Робот” кўчасида жойлашган бир қаватли, 3-уй 1-хонадон (коттеж)да ёнғин содир бўлиб, бир оиланинг олти нафар аъзоси бахтсиз ҳодиса қурбони бўлгани хақида хабар берган эдик.

Сирдарё вилояти ҳокимлигининг хабар беришича, эрта тонгдан вилоят ҳокими, вилоят сектор раҳбарлари ҳамда ташкилотлардан иборат таркибда гуруҳ тузилиб, ҳодиса содир бўлган хонадонга борилди. Шахсан вилоят ҳокими Ғ.Мирзаев ҳалок бўлганларнинг яқинларига чуқур тазия изҳор қилиб, ҳамдардлигини билдирган.

Вилоят ҳокими марҳумларни дафн маросимларида бош-қош бўлиб, ёнғин содир бўлган уйни қисқа муддатда таъмирлаган ҳолда воқеа содир бўлган вақтда бошқа жойда бўлган оиланинг 18 ёшли қизи О.Ў.га топширилишини ҳамда уни ўз оталиғига олиб, ҳолидан доимий хабар олиб туришини маълум қилди ва амалий ишлар бошлаб юборилди.

Шу ўринда марҳумларнинг мотам тадбирлари ва дафн маросимларини ўтказиш билан боғлиқ харажатлар учун 30 млн. сўм моддий ёрдам кўрсатилди, уларнинг маъракаларини ўтказиш учун масъуллар бириктирилди. Шунингдек, вилоят ҳокими томонидан маросимга йиғилганлардан хонадонларда газ ва электр иситкич мосламаларидан фойдаланишда хавфсизлик қоидаларига риоя қилиш зарурлиги акс ҳолда оқибати аянчли ҳолда якун топиши мумкинлиги ҳақида қайта-қайта таъкидлади.

Маҳалла-кўй, қариндош-уруғлар уларнинг қайғули кунида ҳамдард бўлмоқда.

Шарҳлар

Кун мавзуси: Фото
Об-ҳаво: Ташкент
+5° небольшой проливной дождь
Валюта курси