Фойдаланилмаётган томорқалар қайтариб олинадими? (Видео)

ЖАМИЯТ 19.02.2020, 15:31
Теглар: Видео
912
Фойдаланилмаётган томорқалар қайтариб олинадими? (Видео)

Ўзбекистон фермер, деҳқон ва томорқа эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси аҳоли даромадини оширишга хизмат қилувчи масалалар юзасидан матбуот анжумани ташкил этди.

Унда таъкидланишича, эндиликда қишлоқларда ердан фойдаланиш самарадорлигини ошириш мақсадида фойдаланилмай турган ерларда 50-100 гектар, камида 10 гектар ерда боғ яратиб, талабгорларга лизинг асосида берилади.

Бу ерлар қаердан ва қандай олинади, дала-ҳовлидаги фойдаланилмаётган томорқалар қайтариб олинадими мазмунида берилган саволга Фермер, деҳқон хўжаликлари ва томорқа ер эгаларини қўллаб-қувватлаш жамғармаси директори Тўлқин Сатторов жавоб берди.

– Фойдаланилмаётган ерлар деганда ҳудудлардаги сув чиқмайдиган, қишлоқ хўжалигида ишлатилмагани учун ҳокимият захирасига олиб қўйилган майдонлар назарда тутилган, – дейди Т. Сатторов. – Жорий йилдан ана шундай ерларда интенсив боғ ёки иссиқхоналар яратиб, аҳолига лизингга берамиз. Дала ҳовли масаласига келсак, шахсий мулк дахлсиз. Улар орасида иссиқхона қурмоқчи ёки чорва билан шуғулланишни истаганлар бўлса, кредит ажратилади. Боғларни ҳосилга кириши ҳисобга олиниб, 7 йиллик кредитлар уч йиллик имтиёзли давр билан берилади.

Мисол учун, ўтган йили аҳоли хонадонларида 68 мингдан зиёд иссиқхона Ўзбекистон фермер, деҳқон ва томорқа эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси берган кредитлар ҳисобидан барпо этилди. Хонадонларда қуриб берилаётган иссиқхоналарни қандай ишлатиш, қайси экин турини қачон ва қандай экиш борасида ҳам тушунтиришлар берилмоқда.

Жорий йилда ҳам бир қатор вазифалар белгилаб олинган. Мисол учун, 2020 йилда Фарғона, Андижон ва Наманган вилоятларининг йигирмадан ортиқ туманида ўттиз битта қишлоқ хўжалиги кооперативи ташкил этилади. Ташкил этилаётган кооперативларга кам таъминланган ва ишсиз фуқароларни танлаб олиш ва бириктириш бўйича аҳоли бандлигига кўмаклашиш маркази рўйхат шакллантирган.

Қайд этиш керакки, шу кунларда Фарғона вилоятида кооперациялар учун 460 гектар ер ажратилган. Уларда Хитой технологияси асосида кам харажат қилиб, кўпроқ фойда кўриладиган иссиқхоналар барпо этилади. Шу тариқа Жанубий Корея, Африка, Япония мамлакатларининг кооперация тизими ўрганилди. Жаҳон тажрибасига кўра йирик мева-сабзавот кластерлари ташкил этилмаган ҳудудларда кооперациялар ишга тушади.

Шарҳлар

Вазир бир бемор вирусни 52 кишига, яна бири 46 кишига юқтирганини маълум қилди (Видео)

06.04.2020, 15:56

Соғлиқни сақлаш вазири Алишер Шодмоновнинг қайд этишича, бир бемор вируснинг 52 кишига, яна бири 46 кишига юқишига сабабчи бўлган. Бу ҳақда у«Ўзбекистон 24» каналида маълумот...
Самарқандда карантинга қарамай, ярим тунда “Хот–дог, ейман”, деб қарияни калтаклаган йигит видеокамерага тушиб қолди (Видео)

06.04.2020, 15:01

Карантин даври бўлишига қарамай, ўзининг ва ўзгаларнинг ҳаётини хавф остига қўйиб, бемақсад кўчага чиқаётганлар ҳам орамизда талайгина. Самарқанд шаҳрида яшовчи 32 ёшли йигит тун ярмида...
Наманганда ЙПХ ходимларига бўйсунмай қочган ҳайдовчи қўлга олиниб, чора кўрилди (Видео)

04.04.2020, 14:12

Наманган шаҳрида ҳам махсус стикер ёки ваколатга эга бўлмай, ўзбошимчалик билан карантин қоидаларини бузган ҳайдовчилар учраб турибди.Рейд давомида “Nexia” русумли автомобиль ҳайдовчиси ЙПХ ходимлари талабига...
Самарқандда юк машинасини таксига айлантирган ҳайдовчи ушланди (Видео)

03.04.2020, 16:01

Хабарингиз бор, республика махсус комиссиясининг қарорига кўра, вилоятлар ўртасидаги қатнов, хусусан, одам ташиш ҳайдовчиларга тақиқланган, аммо айрим уддабурон ҳайдовчилар бунинг ҳам йўлини топишибди. Самарқандда Тошкентдан...
Кун мавзуси: Фото
Об-ҳаво: Ташкент
+6° небольшой проливной дождь
Валюта курси