my5

“Ўзбекозиқовқатхолдинг” компанияси таркибидаги корхоналар йилнинг энг яхши брендлари қаторидан ўрин олди

ИҚТИСОДИЁТ 15.05.2020, 21:53
1184
“Ўзбекозиқовқатхолдинг” компанияси таркибидаги корхоналар йилнинг энг яхши брендлари қаторидан ўрин олди

"AdWeek"  - III  реклама ва маркетинг ҳафталиги доирасида “Йилнинг энг яхши бренди” мукофоти соҳиблари эълон қилинди. Унда “Ўзбекозиқовқатхолдинг” компанияси таркибидаги корхоналар 2019 йилнинг энг яхши брендлари деган эътирофга лойиқ деб топилди. Бу ҳақда “Ўзбекозиқовқатхолдинг” компанияси расмий канали маълум қилди.

Ушбу танлов миллий маркетинг  мутахассислари ва истеъмолчилар томонидан илк бор онлайн тарзида овоз бериш орқали ўтказилган бўлиб, унда "Йил бренди” сифатида эътироф этилганлар қаторида “Ўзбекозиқовқатхолдинг” компанияси таркибига кирувчи корхоналар ҳам ўрин олган.

Хусусан, "Йилнинг энг яхши салқин ичимлиги" номинациясида  мутахассислар ва истеъмолчилар "Coca Cola" ичимлигини бир овоздан ғолиб деб топишди.  

Колбаса маҳсулотлари сўровномасида эса энг яхши бренд дея ”Rozmetov” тан олинди.  

Шунингдек, қандолат маҳсулотлари йўналишида  "Crafers" "Йил бренди" мукофотга сазовор бўлди.

Маълумот ўрнида, "Йилнинг  энг  яхши  бренди" мукофоти Ўзбекистон бозорида ўз маркетинг ғояларини муваффақиятли амалга ошираётган энг фаол компанияларга берилади. Лойиҳанинг мақсади - ички бозорда муваффақиятли фаолият юритаётган компанияларни аниқлаш, қўллаб-қувватлаш ва рағбатлантириш, шунингдек, юртимизда тадбиркорлик, маркетинг ва реклама хизматлари бозори инфратузилмаси ривожлантиришни кўзда тутади.

Шарҳлар

Кун мавзуси: коронавирус
Об-ҳаво: Ташкент
+23° облачно с прояснениями
Валюта курси
10315.62
USD 20.29
12210.60
EUR 15.78
136.28
RUB -1.37