my5
Sevimli

ДХХ Тошкент шаҳрида террористик ташкилотнинг яширин гуруҳи фаолиятига чек қўйди (Видео)

ЖАМИЯТ 07.07.2020, 13:59
Теглар: Видео
ДХХ Тошкент шаҳрида террористик ташкилотнинг яширин гуруҳи фаолиятига чек қўйди (Видео)

ДХХ ва ИИВ ходимлари томонидан мавжуд жиноят иши доирасида Тошкент шаҳрининг Олмазор ва Шайхонтоҳур туманларида ўтказилган ҳамкорликдаги тезкор тадбирлар натижасида Ўзбекистон Республикаси Олий судининг 2016 йил 26 сентябрдаги қарори билан мамлакатимизда тақиқланган “Тавҳид ва жиҳод катибаси” халқаро террористик ташкилотининг 11 нафар тарафдорларидан иборат яширин гуруҳ фаолиятига чек қўйилди.

Аниқланишича, ушбу гуруҳни ташкил этган шахснинг ўзи даставвал жорий йилнинг январь ойида диний экстремистик оқимлар ва террористик ташкилотларнинг ғоявий раҳнамолари бўлмиш, ҳозирда Сурия ва Туркия давлатларида қўним топган, асли қирғизистонлик лақаби “Абу Салоҳ” бўлган Сирожиддин Мухторов, шунингдек, Ўзбекистон фуқаролари бўлган “Абдуллоҳ Зуфар” лақабли Зофир Ғаффоров ва “Содиқ Самарқандий” лақабли Содиқ Муҳаммадиевларнинг даъватларини тинглаб, уларнинг таъсирига тушиб қолган.

Сўнгра ўз атрофидаги инсонларни ҳам бу йўлга тарғиб қила бошлаган.

Жорий йилнинг март ойига келиб, у “Тавҳид ва жиҳод катибаси” террористик ташкилоти сафига қўшилиш учун Сурия давлатига чиқиб кетишни режа қилган ва бунинг учун ўзига хорижга чиқиш паспорти расмийлаштириб олган.

Бироқ, коронавирус пандемияси туфайли Ўзбекистон ва Туркияда жорий этилган карантин чоралари унинг режасининг рўёбга чиқишига халақит берган.

Таъкидлаш лозимки, ноқонуний йиғилишлар давомида гуруҳ аъзолари интернет тармоғи орқали юклаб олинган экстремистик мазмундаги материалларни тинглаб, муҳокама қилишган. Ҳатто, уларнинг бир нечтаси “ҳижрат” ва “жиҳод” қилиш учун Сурия давлатига боришга хайрихоҳлик билдиришган.

Ўтказилган тезкор тадбирлар давомида гуруҳ аъзоларининг яшаш манзилларида тақиқланган диний адабиётлар ва варақалар, компьютер, ноутбук, планшет, мобил телефон ҳамда флеш-карталар борлиги аниқланиб, уларда сақланаётган маълумотларни экспертизадан ўтказиш учун процессуал тарзда расмийлаштирилиб олинди.

Ҳозирда тергов-суриштирув ҳаракатлари олиб борилмоқда.

Шарҳлар

Хоразмда эркак собиқ хотинини пичоқлаб ўлдирди, қайнонасини жароҳатлади (видео)

12.07.2021, 10:59

Хоразм вилояти Хонқа туманида 4 июль куни эркак жанжал сабаб собиқ хотинини ўлдириб қўйди. Бу ҳақда вилоят ИИБ Ахборот хизмати хабар берди. Маълум қилинишича, ҳодиса 3...
Тошкентда фуқаро ҳеч бир сабабсиз оммавий калтакланди (видео)

12.07.2021, 09:16

Ижтимоий тармоқларда Олмазор туманидаги дўконлардан бирининг олдида жанжал акс этган видеотасвир тарқалди.Ҳолат бўйича Тошкент шаҳар ИИББ маълумот тадим этди.Келтирилишича, жорий йилнинг 10 июль куни тахминан...
Хоразмда ярим-яланғоч ҳолатда сумалак тайёрлаган аёллар узр сўраб чиқди (видео)

23.03.2021, 11:12

Куни кеча ижтимоий тармоқларда Урганч шаҳрида ярим-ялонғоч ҳолатда сумалак қилаётган аёллар видеоси тарқалди.Бугун эса ижтимоий тармоқларда аёлларнинг узр сўраб чиққани акс этган видео ҳам пайдо...
Фарғонада "дамасчилар" ва таксичилар ўртасида оммавий муштлашув бўлди. Жиноят иши қўзғатилди (видео)

13.02.2021, 15:00

Ижтимоий тармоқларда “Фарғонада дамасчилар ва таксичилар уришиб кетди” сарлавҳали видеолавҳа тарқалган эди. Шундан сўнг мазкур ҳолат юзасидан Фарғона вилояти ИИБ томонидан терговга кадар текширув ҳаракатлари ўтказишга...
Кун мавзуси: коронавирус
Об-ҳаво: Ташкент
Валюта курси