O`zbekiston terma jamoasi bosh murabbiyi Samvel Babayan Iordaniyaga qarshi (1:0) kechgan o`rtoqlik uchrashuvidan so`ng uyushtirilgan matbuot anjumanida o`yin borasidagi fikrlari bilan o`rtoqlashib, jurnalistlar savollariga javob berdi.
“Kuchli va munosib raqibga qarshi yaxshi o`yinni o`tkazdik. Janubiy Koreyaga qarshi o`yindan oldin bosh repetisiya bo`ldi. Afsuski, Bikmaev va Haydarov o`zini yaxshi his qilmagani bois, optimal tarkibda o`ynolmadik. Haydarov maydonga tushdi, Bikmaev esa tusholmadi. Umuman olganda, bu o`yinda turli taktik sxemalarni amalga tadbiq qilib ko`rdik.
Afonin katta tanaffusdan so`ng terma jamoaga qaytdi. Yaxshi o`ynadi, yangi jamoadoshlar, yangi talablar bo`lgani uchun unga biroz qiyin bo`lganiga qaramay, bugun o`zini yaxshi tomondan namoyish qila oldi. Uni Rossiyadagi o`yinlarini ham kuzatib boryapmiz, yaxshi mavsumni o`tkazmoqda.
Ba`zi futbolchilar jarohat olgani bois, Shukurovni boshqa nuqtada o`ynatib ko`rdim. U - universal futbolchi.Istalgan joyda o`ynay oladi.Ko`rsatmalarni og`ishmay bajara oladigan intizomli futbolchi. Kelajagi porloq, deb bilaman va terma jamoaga katta foyda keltiradi degan umiddaman.
Bu o`yinda Janubiy Koreyaga qarshi qo`llanadigan o`yin taktikasini sinovdan o`tkazdik, hammasini oldindan, daqiqama-daqiqa rejalashtirgandik.
Osiyoda kuchsiz jamoa qolmaganiga bugungi o`yin ham misol bo`la oladi. Iordaniya biz uchun yaxshi raqib bo`ldi” - deydi Samvel Babayan.
23.05.2024, 18:44
Prezident boshchiligida o`tkazilayotgan yig`ilishda 2025 yilda poytaxtda yangi ishga tushiriladigan Olimpiya shaharchasida O`zbekiston davlat sport akademiyasi tashkil qilinishi ko`zda tutilganligi ma`lum qilindi. Ushbu muassasa huzuriga Jismoniy...
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
07.05.2022, 09:03
Xabaringiz bor 17-18 may kunlari Toshkentda Italiya va O`zbekiston futboli afsonalari uchrashuvi o`tkazilishi rejalashtirilgan. O`zbek futbolining 110 yilligiga bag`ishlab o`tkazilayotgan ushbu o`yinda uzoq yillar davomida...
23.10.2021, 22:16
Superliganing 23-turidan o`rin olgan "Qo`qon-1912" - "Lokomotiv" (2:1) uchrashuvidan so`ng mehmonlar bosh murabbiyi Mikael Sekeyra fikrlarini bildirib o`tdi.Portugaliyalik mutaxassis o`yindan keyin o`zbek futbolidagi tizimni keskin...
