Irlandiyalik fotosuratchi bir yarim yoshli qizining og`ir dardga chalinganiga e`tibor qaratish maqsadida uni fotoshop orqali “xavfli vaziyatlar”dagi suratlarini ijtimoiy tarmoqlarga joylashtiradi, deb xabar berdi Tjournal.ru nashri.
Dublin shahrida yashovchi dizayner Stiven Krouli (Stephen Crowley) fotoshop orqali qizi Xannani “xavfli vaziyatlar”ga qo`yadi. U qizining pichoq ushlab turganini yoki baland joyda o`tirganini fotoshop qilgan.
Otaning fikricha, qizining bunday xavfli holatlarda o`tirishi tomoshabinlarning asabiga tegadi. Stiven bu suratlarning fotoshop ekanligini tushuntirishga ulgurmay, ijtimoiy tarmoq foydalanuvchilari uni befarq otaga chiqarib, turli-tuman norozilik izohlarini yozishdi.
18 oylik Xanna juda kam uchraydigan immun faoliyatining buzilishi kasalligiga uchragan. Xanna kichkina bo`lishiga qaramay, kimyoterapiya muolajasini olgan va anonim donordan olingan ilik ko`chirib o`tkazish operasiyasini boshdan kechirgan. Shuncha azob chekkaniga qaramay, Xanna quvnoqligini yo`qotmagan, u hayotni sevadi.
“Shuncha azobni, dardni ko`tarib yurganiga qaramay, Xanna tabassum qilishdan charchamaydi, hazilni yaxshi tushunadi. U bir yoshga to`lgunga qadar ancha vaqt yo`qotganligimiz sababli endi uni tinimsiz suratga tushiryapmiz”, deydi uning otasi, fotosuratchi Stiven Krouli.
Fotosuratchi olgan suratlari internetda mashhur bo`lganidan foydalanib, ijtimoiy tarmoq foydalanuvchilariga qizi chalingan kasallik va Be The Match ilik reestri haqida ma`lumot berishni lozim topdi. Mazkur reestr ilik ko`chirib o`tkazish operasiyasiga muhtoj bo`lgan odamning donor bilan bog`lanishiga, aloqa o`rnatishiga yordam beradi. Kroulining ma`lumot berishicha, dunyo bo`yicha 27 million donordan faqatgina 3 nafari Xannaga to`g`ri kelar ekan.
25.04.2024, 07:33
Xitoyning Xenan provinsiyasidagi chakana savdo tarmog`i asoschisi Yu Donglay xodimlarga ish va hayot muvozanatini yaxshilashga yordam berish uchun “baxtsiz ta`til” kunlarini joriy qildi, deb yozadi...01.04.2024, 16:31
Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...