Zafarxo`ja, 39 yosh, Toshkent shahri:
— Xotinim menga xiyonat qilishi mumkinligini xayolimga ham keltirmasdim, lekin bu haqiqat bo`lib chiqdi. Qo`limda oliy ma`lumotim yo`qligi uchun bir oshxonaga oshpaz bo`lib ishga kirdim. Mijozlar ko`pligi uchun olayotgan maoshim ro`zg`orni yuritishga etib turgandi. Mijozlar aynan mening pishirgan taomlarimni ko`proq so`rashgani uchun boshlig`imiz menga ishonib, rag`batlantirib turardi. Bu erda hamma bilan qadrdon bo`lib keganimdan so`ng ayolimga ham yonimdan ish gaplashdim. Ko`z o`ngimda bo`ladi har doim deb o`ylagandim. Lekin o`zida insof bo`lmasa, qiyin ekan. Yonimda yurib, ko`zimga cho`p suqdi. Oshxonamizga kelib yuradigan doimiy mijozlardan biri bilan don olisha boshlaganini hamma sezibdi-yu, bitta men g`aflatda qolgan ekanman. Avvaliga ishonmadim. O`zim tekshirib ko`rganimdan so`ng uni o`ldirib qo`yishimga sal qoldi.
— Menga ish gaplashib bermoqchi edi... sizga aytmoqchi bo`lib yurgandim. Boshqa hech gap bo`lgani yo`q, — deb turib oldi.
Bolalarimizning bo`yi etay deb qolgan. Ishxonadagilar ham bu gapdan xabar topgan. Hamma ustimdan kulayapti. Uyimga ham, ishxonamga ham bormay qo`ydim. Xotinimga «ko`zimga ko`rinma, yo`qol» desam, «bu uydan faqat o`ligim chiqadi», deb turib oldi. Keyin o`zim chiqib ketdim. Hozir oilamdan ham, ishimdan ham, uyimdan ham ajralib o`tiribman. Xotinim bilan endi yasholmayman. Uni qanday jazolashni bilmayman...
To`ti YuSUPOVA, O`zbekiston xalq artisti: — Xotiningizni jazolashga shoshilmang. Avvalo vaziyatga yaxshilab oydinlik kiriting. Balki bu oilangizga nisbatan qilingan fitna bo`lishi ham mumkin. Xotiningizga vaqt berib, buni tekshirib ko`ring. Agar haqiqatan ham ayolingiz sizga xiyonat qilgan bo`lsa, hozirgi holatinnig o`zi u uchun katta jazo. Shunchalik sharmanda bo`lgani unga saboq bo`lishi kerak. Singan ko`ngilni tiklab bo`lmaydi deganidek, u bilan hayotingizni davom ettirolmaysiz. Lekin farzandlaringizga u baribir kerak, ularning tuqqan onasi. Uy-joyni ularga qoldirganingiz to`g`riroq. Farzandlaringizni tashlab qo`yolmaysiz. Siz hayotingizni qaytadan izga solishga harakat qiling.
Manba: «SUG‘DIYONA» gazetasi.
26.09.2021, 17:45
O`zbekistonning qaysi hududida oilalar soni ko`p? Davlat statistika qo`mitasi ma`lumot berdi. Unga ko`ra, 2021 yilning 1 yanvar holatiga O`zbekiston Respublikasida jami 8 871 412 ta oila...
27.05.2021, 16:56
AOKAda “Mahalla va oila” ilmiy-tadqiqot instituti rahbarlari ishtirokida matbuot anjumani bo`lib o`tdi.Anjumanda “O`zbekiston Respublikasida oila institutini 2030 yilgacha yanada mustahkamlash konsepsiyasi” mazmun-mohiyati va ahamiyati haqida...
14.11.2019, 18:36
O`zbekistonda FHDYo organlari hokimliklar tasarrufiga o`tkazilgach, faqatgina sha`riy nikoh bilan yashab kelgan 20 ming 350tadan ortiq oila aniqlanib, ularning nikohi qonuniylashtirildi.Bu haqda 13 noyabr kuni oila...
23.12.2017, 17:11
Sayyora, 30 yosh, Jizzax viloyati: — Turmushga chiqqanimga o`n yil bo`libdi. Ikki farzandim bor. Qaynona-qaynotam bilan birga yashaymiz. Shu yillar ichida tinch, osoyishta, xotirjam yashaganimni...
