“Turonbank” ATB tomonidan birlamchi va ikkilamchi bozordan yangi xonadon xarid qilishlari va xovli joylarini rekonstruksiya qilishlari uchun ipoteka kreditlari ajratilmoqda. Bu haqida Milliy matbuot markazida “Turonbank” ATB vakillari tomonidan tashkil etilgan bank xizmatlari xususidagi tadbirda ma`lum qilingan.
Matbuot anjumani davomida Chakana kreditlarni rivojlantirish boshqarmasi boshlig`i Saidamirxon Mubarov ayni vaqtda mijozlar uchun ajratilayotgan iste`mol, mikroqarz, ipoteka, ta`lim, avto haridi uchun mo`ljallangan kreditlar bo`yicha ham ma`lumot berdi.
“Mana masalan siz tovar yoki xizmatlardan foydalanish uchun 3 yilgacha bo`lgan muddatga boshlang`ich to`lovsiz iste`mol kreditini yillik 26 foizdan rasmiylashtirishingiz mumkin. Biz bazaviy hisoblash miqdorining
300 barobarigacha bo`lgan miqdorda ya`ni bugungi kunda 81 mln. so`mgacha moliyaviy ko`mak berishga tayyormiz. Kredit siz bilan hamkorlik qilayotgan korxonaning hisob - raqamiga pul o`tkazish yo`li bilan taqdim etiladi. Bundan tashqari, zudlik bilan maqsadsiz mikroqarz kerak bo`lsa biz 50 mln. so`mgacha kredit ajratib berishimiz mumkin. Ortiqcha hujjatlarsiz, faqatgina shaxsni tasdiqlovchi pasport bilan kreditni olish mumkin.
U 2 yildan 3 yilgacha bo`lgan muddatga yillik 26 foizdan istasangiz naqd, xohlasangiz plastik kartochkaga o`tkazish yo`li bilan taqdim etiladi. Qolaversa, yangi avtomobil xarid qilish istagida bo`lganlar uchun bank
ham birlamchi ham ikkilamchi bozor uchun avtokreditlarni taklif etmoqda ekan. Yillik 24 foizda siz Sparkdan KIA va Folksvagengacha olishingiz mumkin. Muddati esa 1 yildan 4 yilgacha. Shu bilan birga, bankimiz tomonidan odamlarimizning birlamchi va ikkilamchi bozordan yangi xonadon xarid qilishlari va xovli joylarini rekonstruksiya qilishlari uchun ham ipoteka kreditlari ajratilyapti.Qurilish va rekonstruksiya uchun:
Foizi: 17–18 foizdan;
Muddati: 20 yilgacha;
Miqdori: 309,4 mln. so`m;
Boshlang`ich to`lov: 15%
Toshkent shahridan tashqari, barcha viloyatlar va Qoraqalpog`iston Respublikasi uchun ajratiladi.
Yangi qurilgan va ikkilamchi bozordagi ko`p qavatli uylar yoki yakka tartibdagi hovli – joylar sotib olish uchun:
Muddati: 20 yilgacha;
Miqdori: 400 mln. so`m;
Boshlang`ich to`lov: 25%
Xonadonlarni engil ta`mirlash uchun:
Muddati: 10 yilgacha;
Miqdori: 80 mln. so`m;
Boshlang`ich to`lov: 0%.
