Бугун, 11 февраль куни Андижон вилояти Шаҳрихон туманидаги касалхонада портлаш содир бўлди.
ФВВнинг тақдим этган қўшимча маълумотларига кўра, шифохонада ҳаво-газ аралашмасининг чақнаши содир бўлган. Юзага келган кинетик зарба натижасида бино деворларига шикаст етган.
Ўзбекистон Республикаси Бош прокурорининг матбуот котиби ушбу ҳолат юзасидан Жиноят кодексининг 257-моддаси (Меҳнатни муҳофаза қилиш қоидаларини бузиш) билан жиноят иши қўзғатилгани ҳақида хабар берди.
Ҳодиса оқибатида 1 нафар киши вафот этган, 11 нафар киши жароҳатланган.
