O`zbekistonlik og`ir atletikachi, Braziliyada rekord o`rnatgan olimpiya oltini sohibi Ruslan Nuriddinov qalin soqolini qirtishlab tashladi, deb xabar qilmoqda “Sputnik O`zbekiston”.
Sportchining o`zi yangi imidj borasida shaxsan izoh bergani yo`q. Ammo muxlislari Ruslanni soqol bilan ko`rishga o`rganib qolishgan. Shu bois, soqol sportchi uchun o`ziga xos tumor vazifasini o`tagan, shuning uchun u Olimpiada bahslari oldidan soqolini olmagan, deb fikr bildirayotganlar ham topilmoqda.
O`zbekistonlik og`ir atletikachi ilk marotaba yangi imijda Milliy Olimpiya qo`mitasi ko`magida tayyorlangan videomurojaatda namoyon bo`lgan.
“Men o`z g`alabamni xalqimga, O`zbekistonimga bag`ishlayman, hammangizni sevaman, menga muxlislik qilganlaringiz uchun, qo`llab-quvvatlaganlaringiz uchun minnatdorman. Qo`llab-quvvatlaganlaringiz sezilib turdi, sportchi hayotida ro`y berishi mumkin bo`lgan eng yaxshi narsa ham aslida shu. Xalq mehridan ortig`i bo`lmaydi. Men barchangizni sevaman, men o`z xalqimni sevaman, O`zbekistonni sevaman. Oltin medalni Mustaqilligimizning 25 yilligiga bag`ishlayman”, — deya ta`kidlagan Nuriddinov.
Eslatib o`tamiz, Ruslan Nuriddinov vazni 105 kilogrammgacha bo`lgan erkaklar o`rtasida o`tkazilgan og`ir atletika musobaqalarida ikkita urinishda 225 va 230 kg toshni ko`tarib, oltin medalni qo`lga kiritdi. So`nggi urinishda olimpiya rekordi hisoblangan 237 kg toshga buyurtma berildi va rekord o`rnatildi.
23.05.2024, 18:44
Prezident boshchiligida o`tkazilayotgan yig`ilishda 2025 yilda poytaxtda yangi ishga tushiriladigan Olimpiya shaharchasida O`zbekiston davlat sport akademiyasi tashkil qilinishi ko`zda tutilganligi ma`lum qilindi. Ushbu muassasa huzuriga Jismoniy...
14.07.2021, 17:37
O`zbek futbolining jonkuyar tarixchisi, mashhur sport jurnalisti Vladimir Ashotovich Safarov bugun, 14 iyul kuni 82 yoshida vafot etdi. Vladimir Safarov 1939 yilning 17 yanvarida Toshkent shahrida...
26.04.2021, 17:54
Avvalroq, Polsha mezbonlik qilgan yoshlar o`rtasidagi jahon chempionatida -54 kg vaznli bokschi qizimiz Nigina O`ktamova barcha raqibalarini mag`lubiyatga uchratgan holda, oltin medalga sazovor bo`lib va...
27.02.2021, 22:07
Germaniyaning nufuzli sport sayti O`zbekiston davlat jismoniy tarbiya va sport universitetining engil atletika ixtisosligi o`qituvchisi va murabbiyi, mustaqil tadqiqotchi Rashid Burnashev haqida maqola chop etdi....
