Bosh prokuratura huzuridagi Departamentning Denov tuman bo`limi tomonidan tadbirkorlik sub`ektlarining huquqlarini himoya qilish yuzasidan o`tkazilgan tezkor tadbir o`tkazdi.
Unda, Monopoliyaga qarshi kurashish qo`mitasi Surxondaryo viloyati hududiy boshqarmasi “Iste`molchilar huquqlarini himoya qilish” (qisq.) bo`lim boshlig`i o`zining ish yurituvida bo`lgan “O.” xususiy korxonasiga qarashli dorixonada dori vositalarining qimmat narxlarda sotilayotganligidan norozi bo`lib yozilgan murojaatni ushbu korxonaning foydasiga ijobiy hal qilib berish evaziga korxona rahbaridan 200 AQSh dollari pora talab qilib olgan vaqtida ashyoviy dalillar bilan ushlangan.
Mazkur holat yuzasidan D.A.ga nisbatan Jinoyat kodeksining 210-moddasi (pora olish) bilan jinoyat ishi qo`zg`atilib, tergov harakatlari o`tkazilmoqda.
👉 t.me/Department_uz
