author

Firdavs Fridunovich Abduxoliqov

G'oya muallifi

1963-yil 10-iyul Samarqandda tug‘ilgan.

Oʻzbekiston Respublikasi Oliy Majlisining II chaqiriq deputatlari, 2018-yildan Oʻzbekiston merosini o‘rganish, asrash va targ‘ib qilish bo‘yicha Butunjahon jamiyati boshqaruvi raisi, 2019-2024-O‘zbekiston kinematografiya agentligi bosh direktori, 2024-yildan Vazirlar Mahkamasi huzuridagi Oʻzbekiston Islomiy madaniyat markazi direktori, O‘zbekistonda xizmat ko‘rsatgan jurnalist, prodyuser va bir qancha kitoblar muallifi, san’atshunoslik fanlari bo‘yicha falsafa doktori. 

Firdavs Abduxoliqov 1980-yilda Samarqand shahridagi U.Samiyev nomidagi 16-maktabni tamomlagan. 1980-1985-yillarda Samarqand davlat universitetining filologiya fakultetida, 2001-2007-yillarda Samarqand davlat universitetining iqtisod fakultetida tahsil oladi.

Mehnat faoliyati

1985-1987-yil – Samarqand shahar 33-sonli kasb-hunar bilim yurti o‘qituvchisi.

1987-1988-yillarda Samarqand shahridagi 16-sonli matbaa bilim yurti o‘quv-tarbiyaviy ishlar bo‘yicha direktor o‘rinbosari.

1988-1989-yillarda Samarqand viloyati yoshlar markazi direktori.

1989-1998-yillarda STV (Samarqand televidiyeniyesi) birinchi nodavlat telekompaniyasining bosh direktori va asoschisi.

1998-1999-yillarda “O‘zteleradiokompaniya” raisi o‘rinbosari.

1999-2004-yillarda O‘zbekiston Respublikasi Oliy Majlisining II chaqiriq deputati.

1999-2001-yillarda O‘zbekiston Respublikasi Oliy Majlisining Yoshlar ishlari bo‘yicha komissiyasi raisi.

1999-2002-yillarda O‘zbekiston Respublikasi Prezidenti matbuot xizmati bosh maslahatchisi.

2003-2022-yillarda O‘zbekiston elektron ommaviy axborot vositalari milliy assosiatsiyasi (O‘zEOAVMA) asoschisi va boshqaruvi raisi.

2018-yilda — O‘zbekiston madaniy merosini asrash, o‘rganish va targ‘ib qilish bo‘yicha Butunjahon jamiyati boshqaruvi raisi.

2019-2024-yilgacha O‘zbekiston Respublikasi Prezidentining qarori bilan “O‘zbekkino” Milliy agentligi Bosh direktori etib tayinlandi, keyinchalik O‘zbekiston Kinematografiya agentligiga o‘zgartirildi.

2024-yildan Vazirlar Mahkamasi huzuridagi O‘zbekistondagi Islom sivilizatsiyasi markazi direktori.

Ilmiy faoliyati

U O‘zbekiston tarixiy merosiga oid ko‘plab kitoblar, jumladan, “O‘zbekiston madaniy merosi jahon to‘plamlarida”, “O‘zbekiston me’moriy epigrafiyasi”, “Asriy an’ana asrovchilari” turkum kitob-albomlari muallifi va hokazo.

Prodyuserlik faoliyati

30 dan ortiq filmlarning bosh prodyuseri va hammuallifi. Ular orasida:

“O‘zbekiston — qumlar gavhari”

“Qoraqalpog‘iston. Vaqt qumlari nigohida”

“Nukus. Noma’lum kolleksiya”

“O‘zbekiston. Sevgi haqida afsona”

"O‘zbekiston. Uchinchi Uyg‘onish davriga nazar"

“O‘zbekiston. Uyg‘onish”

“Men terrorchi emasman”

“Ilhaq”

“Xalq jasorati”

“Quyosh tafti”

“Tutqunlik”

“O‘zbekiston madaniy merosi jahon to‘plamlarida” turkum filmlari

“Xalq ko‘ngli” turkum filmlari o‘rin olgan.

Shuningdek, BBC, EURONEWS, CNBC va boshqalar bilan hamkorlikda “Katta Langar Qur’oni: sirlar va haqiqatlar” — “Yangi O‘zbekiston” va boshqa loyihalar tayyorlandi.

Unvon va mukofotlar

2000-yil — “O‘zbekiston belgisi“ ko‘krak nishoni.

2001-yil — “O‘zbekiston mustaqilligining o‘n yilligi” ko‘krak nishoni

2011-yil — “Oltin qalam” milliy mukofoti, “O‘zbekiston Respublikasida xizmat ko‘rsatgan jurnalist” faxriy unvoni

2016-yil — “O‘zbekiston mustaqilligining yigirma besh yilligi” ko‘krak nishoni

2017-yil — “O‘zbekiston Konstitutsiyasiga yigirma besh yil” ko‘krak nishoni

2018-yil — “Mehnat shuhrati” ordeni

2019-yil — Xalqaro “Avisenne” mukofoti

2021-yil — “Tojikiston Respublikasi kinematografiyasi a’lochisi” ko‘krak nishoni

2021-yil — “O‘zbekiston mustaqilligining o‘ttiz yilligi” ko‘krak nishoni.