O`zbekistonda Prezidentning vakolat muddati 5 yildan 7 yilgacha uzaytirilishi mumkin. Bu bo`yicha 25 iyun kuni jamoatchilik muhokamasiga qo`yilgan «Mamlakat Konstitusiyasiga o`zgartishlar kiritish to`g`risida»gi qonun loyihasida keltirib o`tilgan.
Skrin: «Xalq so`zi»
Unga ko`ra, Konstitusiyaning 90-moddasi 2-qismiga o`zgartirishlar kiritish, ya`ni «besh» so`zini «etti» so`ziga almashtirish ko`zda tutilgan. 2-qism quyidagi tahrirda bayon etilsin:
«O`zbekiston Respublikasi prezidenti O`zbekiston Respublikasi fuqarolari tomonidan umumiy, teng va to`g`ridan-to`g`ri saylov huquqi asosida yashirin ovoz berish yo`li bilan 7 yil muddatga saylanadi. Prezident saylovini o`tkazish tartibi O`zbekiston Respublikasi qonuni bilan belgilanadi».