Toshkentda 18 ta mashina ishtirokida YTH sodir bo`lgani haqida video tarqaldi.
Holat yuzasidan Toshkent shahar IIBB YHXB ma`lumot taqdim etdi.
Dastlabki ma`lumotlarga ko`ra, 2022 yil 16 avgust kuni soat 17:45 larda Toshkent shahar Chilonzor tumani Bunyodkor shox ko`chasi (ko`prik usti)da bir yo`nalishda harakatlanib kelayotgan bir qancha transport vositalari ishtirokida YTH sodir bo`lgan.
Hodisa natijasida tan jarohati olganlar yo`q.
Holat yuzasidan Toshkent shahar IIBB YHXB mas`ul xodimlari tomonidan surishtiruv harakatlari olib borilmoqda.
