Taekwondo ITF: AQShdagi xalqaro turnirda O`zbekiston madhiyasi yangradi

Sport 19.08.2022, 13:36
Taekwondo ITF:  AQShdagi xalqaro turnirda O`zbekiston madhiyasi yangradi

Okean ortida yana bir marra zabt etildi.  Bugun dunyo ahli bizni sport orqali yaqindan tanimoqda,  tan olmoqda,  desak mubolag`a bo`lmaydi.  Sportchilarimiz erishayotgan yutuqlar esa manaman degan davlatlarning havasini keltirmoqda.

AQShning Nyu-York shahrida sportning taekvondo ITF turi bo`yicha 16 marotaba nufuzli “Big Epl” xalqaro turniri o`tkazildi.  Unda musobaqa mezbonlari Amerika Qo`shma shtatlari,  Kanada,  Kosta-Rika,  Dominikan Respublikasi,  Meksika,  Gonduras,  Argentina va O`zbekiston kabi taekvondoning ITF yo`nalishi ancha rivojlangan davlatlardan sportchilar ishtirok etishdi.

Musobaqada sportchilar taekvondo ITFning 3 yo`nalishi bo`yicha g`oliblik uchun kurash olib bordilar.

Mazkur nufuzli musobaqada Vatanimiz bayrog`ini sarbaland ko`tarilishiga,  madhiyamiz jarang sochishiga sportchilar O. Jalilov va A. Hamidullayevlar sababchi bo`ldi.

Jumladan, musobaqaning tul bahslarida Hamidullayev Abdujabbor oltin medalga sazovor bo`ldi.  Jalilov Oybek esa kumush medal sohibiga aylandi.  Shuningdek,  O.Jalilov - 90 kg vazn toifasida massogi bahslarida ham yana bitta kumush medalni o`z hisobiga qo`shib qo`ydi.

Shu tariqa vakillarimiz Toshkentga 1ta oltin,  2 ta kumush,  jami 3 ta medal bilan qaytishadigan bo`ldi.

Sharhlar