Ayni vaqtda Namanganda bo`lib turgan Rossiyaning Boshqirdiston o`lkasi rahbari o`z vatandoshlarini bu erga sayohat qilib, boy tarixiy obidalarni tomosha qilish, mazali meva-sabzavotlarni tatib ko`rishga chaqirdi.
U o`z telegram kanalida bu borada shunday post yozdi va unga qo`shimcha ravishda suratlarni ham ilova qildi.
"O`zbekiston hayratlanarli darajada go`zal. Bu erda ko`rish mumkin bo`lgan narsa bor – Toshkentning poytaxt hayoti, sayyohlik durdonalari – Samarqand, Buxoro va Xiva, Farg`ona vodiysi, xususan, Namangan, men ayni vaqtda shu erda investorlar bilan uchrashmoqdaman", – deydi Radiy Xabirov.
Boshqirdiston rahbari so`zida davom etarkan, tarixiy qadamjolarni alohida qayd etdi.
"Masalan, birgina Namangan viloyatining o`zida 27 ta tarixiy va muqaddas qadamjolar mavjud. Madrasalar, masjidlar, maqbaralar...
Bu er, ayniqsa, bahor va kuzda meva-sabzavot mo`l-ko`l bo`lgan davrda gullab-yashnayotgan unumdor zamin. Men boshqirdistonlik sayyohlar O`zbekistonni o`zlari uchun kashf qilishlarini juda istardim. Shunchaki bu yurtning go`zalliklari meni hayratga soldi", – deb yozadi u.
