Futbol bo`yicha O`zbekiston milliy terma jamoasi 24 mart, juma kuni Boliviyaga qarshi maydonga tushdi va 1:0 hisobida g`alaba qozondi.
Uchrashuvdagi yagona golni 36-daqiqada Eldor Shomurodov urdi. Shu tariqa Shomurodov O`zbekiston terma jamoasidagi gollari sonini 34 taga etkazdi va to`purar Maksim Shaskixga etib oldi. Eldor ushbu natijaga 62 ta o`yinda erishgan bo`lsa, Shaskixga 61 ta o`yin kifoya qilgan.
O`zbekiston terma jamoasi tarixidagi eng yaxshi to`purarlar:
- Maksim Shaskix — 34
- Eldor Shomurodov — 34
- Mirjalol Qosimov — 31
- Aleksandr Geynrix — 31
- Server Jeparov — 25
- Odil Ahmedov — 21
- Igor Shkvirin — 20
- Igor Sergeev — 17
- Jafar Irismetov — 15
- Ulug`bek Baqoev — 14.
