Kecha, Boku shahrida taekvondo WT bo`yicha jahon chempionatining to`rtinchi kun bellashuvlari bo`lib o`tdi.
Unga ko`ra, taekvondochi Svetlana Osipova jahon chempionatida +73 kg vazn toifasida kumush medalni qo`lga kiritdi.
Hamyurtimiz murosasiz kechgan hal qiluvchi bellashuvda turkiyalik Nafiya Kugaga 1:2 hisobida imkoniyatni boy berib, kumush medalga sazovor bo`ldi.
Ta`kidlash joizki, shu paytgacha o`zbek sportida hech bir taekvondochi qizimiz ketma-ket ikki bor jahon chempionatlarining finaliga yo`l olmagan edi. Ushbu natija orqali Osipova jahon va Parij-2024 Olimpiadasi reytingidagi o`rnini yanada mustahkamlab olmoqda.