O`zbekiston Bosh vaziri Moskvada sodir etilgan terakt oqibatida halok bo`lganlarga ta`ziya bildirdi. Bu haqda Bosh vazir matbuot kotibi xabar qildi.
Ma`lum qilinishicha, bugun, 25 mart kuni O`zbekiston Respublikasi Bosh vaziri Abdulla Aripov Rossiya Federasiyasining mamlakatimizdagi elchixonasiga tashrif buyurib, elchi Oleg Malginov orqali butun Rossiya xalqiga ta`ziya bildirdi.
Avvalroq, Bosh vazir Rossiya Federasiyasi hukumati raisi Mixail Mishustinga Moskva viloyatidagi "Crocus City Hall" majmuasida sodir bo`lgan terrakt oqibatida ko`plab insonlar halok bo`lgani va og`ir jarohat olgani munosabati bilan hamdardlik maktubini yuborgan edi.